Monday, July 13, 2009

ညီမလေး နှင့် မမလတ်


13-07-2009
ညီမလေးမွေးနေ့ အမှတ်တရ

Water color on paper

မေမေက ညီမလေးကိုမွေးလာတော့ စိတ်ထဲမှာ ထူးဆန်းသလိုခံစားရတယ်။ ၈နှစ်ကျော်လောက်အငယ်လုပ်လာပြီးမှ ရုတ်တရက် ကိုယ့်ထက်အငယ်တစ်ယောက်ရောက်လာတာကို မယုံနိုင်သလိုလည်းဖြစ်ရတယ်။ ဒါပေမဲ့ ညီမလေး ဖြူဖြူဖွေးဖွေးသေးသေးလေးကို တို့ချင် ထိချင် စချင်တာကြောင့် ညီမလေး မိသားစုထဲဝင်လာတာ ကိုယ့်အတွက်တော့ စိတ်လှုပ်ရှားစရာ ပျော်စရာတခုဖြစ်တာကတော့ အမှန်ပဲ။

ငယ်ငယ်ကဆို နွေရာသီကျောင်းပိတ်ရက်တွေမှာ အိမ်နားကသူငယ်ချင်းတွေနဲ့ လျှောက်သွားတိုင်း ညီမလေးကို မနိုင့်တနိုင်ချီပြီး ခေါ်သွားတတ်စမြဲ။ ခေါ်တာတော့ ခေါ်တယ်.... ဒါပေမဲ့ အနိုင်ကလည်း ကျင့်သေးတယ်။ သူငယ်ချင်းတွေရှေ့မှာ ညီမလေးကိုချထားပြီး ဟိုအကလေး ကပြလိုက်စမ်း၊ ဒီသီချင်းလေးဆိုပြစမ်းနဲ့ ၂နှစ်အရွယ်ကလေးလေးကို အတင်းခိုင်းတတ်သေးတာ။ မလုပ်ချင်ဘူးဆိုရင်... အေး..အဲသာဆို ညကြရင် အကောင်ကြီးလာကိုက်လိမ့်မယ်လို့ ချောက်တတ်သေးတာ... သူ့ခမျာ မျက်နှာလေး ငိုမဲ့မဲ့နဲ့ ကိုယ်သင်ပေးထားတဲ့ သီချင်းလေးတွေ ဆိုပြ၊ ကပြ လုပ်ရတယ်။ ကိုယ်ကလည်း သူငယ်ချင်းတွေ၊ အသိတွေကြားမှာ ကိုယ့်ညီမလေး ဘယ်လောက်တတ်ကြောင်း၊ ချစ်စရာကောင်းကြောင်း ကြွားချင်တာကိုး...။

ကိုယ် ၉တန်းမှာ ညီမလေးက သူငယ်တန်း စတက်တယ်။ ကိုယ့်အတန်းထဲက သူငယ်ချင်းတွေအားလုံးက ညီမလေးကို အရမ်းချစ်ကြတယ်။ သူက အမြဲပြုံးပြုံး ပြုံးပြုံးနဲ့ ဘာပြောပြော ဘာစစ စိတ်မဆိုးတတ်တဲ့သူကိုး။ နင့်ညီမလေးက အရမ်း sweet ဖြစ်တာပဲ... နင့်လို စူပုတ်ပုတ်ရုပ်မဟုတ်ဘူးလို့ သူငယ်ချင်းတွေက ၀ိုင်းပြောကြတယ်။ သူက အဲသလို မျက်နှာချိုတဲ့သူဆိုတော့ သူစိတ်ဆိုးပြီဆို အရမ်းသိသာတယ်။ မပြုံးတော့ဘူး..မျက်နှာတည်သွားပြီဆို.. အဲသာ စိတ်ကောက်နေတာလို့ ချက်ချင်းသိလိုက်ရတာပဲ။

ညီမလေးက စာကျက်ပျင်းတဲ့အထဲမှာပါတယ်။ ဒါပေမဲ့ ရွှီးတတ်တဲ့နေရာမှာတော့ စံပဲ။ သူမလုပ်ချင်တဲ့အရာဆို အကြောင်းအရာတခုခုကို မရ ရအောင် ရှာဖွေပြီးပြောတတ်တယ်။ မှတ်မိသေးတာ... ၃တန်းလောက်က လူမျိုးတွေအကြောင်းစာကျက်ရတော့ လူမျိုး၁၂မျိုးရှိတာကို လူမျိုး၃မျိုးအကြောင်းပဲ သူ့ဘာသာစပေါ့ရိုက်ရွေးပြီးကျက်တယ်။ ကျန်တာကို ဖတ်ခိုင်း မှတ်ခိုင်းလို့မရဘူး။ ကိုယ်ကသူ့ကို စာသင်ပေးနေတဲ့သူဆိုတော့ အဲသလို မလုပ်ရဘူးအတင်းပြောတော့ ဆရာမက သမီးကိုချစ်လို့ တိတ်တိတ်လေးစပေါ့ပေးထားတာပါလို့ ရွှီးတယ်။ ဒါပေမဲ့ စာမေးပွဲမှာ သူ မဖတ်ထားတဲ့ အထဲက ရှမ်းလူမျိုးများကြောင်းကိုမေးပါလေရော...။

သူကတော့ အေးဆေးပါပဲ... မမလတ်ကလည်း သမီးဖြေနိုင်ပါတယ်လို့ ပြောတယ်။ ကိုယ်လည်း ဒေါသပုန်ထပြီး နင်ဘာမှမဖတ်ထားပဲ ဘယ်လို ဖြေနိုင်မလဲဆိုပြီး ဆူတာပေါ့...။ အစမ်းစာမေးပွဲဆိုတော့ အဖြေလွှာတွေ အိမ်ကိုပေးလိုက်တော့ သူဘယ်လိုဖြေထားလဲ... အမှတ်ဘယ်လောက်ရလဲ ကြည့်ကြည့်တာ... အောင်မလေး... သူက အမှတ်ကို တ၀က်မကရတယ်။ ရှမ်းလူမျိုးများသည် ရှမ်းပြည်နယ်တွင်နေထိုင်ကြပါသည်၊ ရှမ်းဘာသာစကားများပြောကြပါသည်။ ရှမ်းတောင်သူရိုးရာ အလုပ်များလုပ်ကိုင်ကြပါသည်။ ရှမ်းစာများစားကြပါသည်....စသဖြင့်... အဲသလို ရွှီးထားတာ.....။ အင်း.. အဲသလို လူမျိုးအကြောင်း အရွှီးတော်လို့လားမသိ.. ခုကြီးလာတော့ သူက Anthropology နဲ့ လူမျိုးတွေအကြောင်း Research လုပ်တဲ့သူဖြစ်လာတယ်။

ငယ်ငယ်ကသူ့ကိုစာသင်ပေးခဲ့တဲ့သူဆိုတော့ ညီမလေးက ဥာဏ်ကောင်းတဲ့အထဲမှာပါတယ်ဆိုတာ ကိုယ်သိတယ်။ အဲဒီတော့ သူ့ကို သိပ်ပြီး ဖြစ်ထွန်းစေချင်တာပဲ။ ဒါပေမဲ့ သူပျင်းတတ်ပုံကြောင့် စာသင်တိုင်း ညီအစ်မနှစ်ယောက် တုတ်တပျက် ဓါးတပျက်ဖြစ်ရတယ်။ ညဘက်အစောကြီးရှိသေး..အိပ်ချင်တယ်ဆိုလို့... ကိုယ့်မှာ သူအိပ်ချင်ပြေအောင် ကပြပြီးတောင် စာသင်ပေးခဲ့ရတယ်။ ကိုယ်ကလောဘကြီးတာလည်း ပါတာပေါ့လေ။ ကြာလာတော့ ဖေဖေတို့က ကိုယ့်ကို စာပေးမသင်ခိုင်းတော့ဘူး။ စာသင်တိုင်း အော်သံတွေ၊ ငိုသံတွေနဲ့ စီစီညံခဲ့တယ်ပေါ့လေ။ အဲသာကြောင့် ကိုယ်စာသင်ပေးတုန်းက အဆင့်၁ကနေ၃အတွင်း အမြဲ ရတဲ့သူဟာ နောက်ပိုင်း အဆင့်တွေလျှောခဲ့တယ်။ အဓိက သူ၁၀တန်းရောက်တဲ့ အချိန် ကိုယ်က RIT နောက်ဆုံးနှစ် ပြီးတော့ အဝေးမှာ အလုပ်သွားလုပ်နေတော့ သူ့ကို သေသေချာချာဂိုက်လုပ်မဲ့သူမရှိဖြစ်သွားတာ... သူ့ဘ၀ရဲ့ အရေးကြီးဆုံးအချိုးအကွေ့ ဆုံးဖြတ်ရမဲ့ အချိန် သူ့နားမှာ မကူညီပေးရတာ တွေးလိုက်တိုင်းစိတ်မကောင်းဖြစ်ရတယ်။

ညီမလေးက အိမ်မှာအငယ်ဆုံးဖြစ်ပေမဲ့ အခွင့်ထူးခံ အခွင့်အရေးတော့ မရခဲ့ရှာဘူး။ အ၀တ်အစားဆို ကိုယ်တို့ အကျ၊ ဒါမှမဟုတ် ကိုယ်တို့မကြိုက်တာကိုယူရတယ်။ အစားအစာဆိုလည်းသူက ဂျီးမများ၊ ဘာမဆိုစားဝင်တဲ့သူဆိုတော့ အစားမှာလည်း ဦးစားပေးမခံရဘူး။ ကိုယ်ကငယ်ငယ်လေးကတဲက ပိန်ပိန်သေးသေး၊ အစားအစာ ဂျီးများတဲ့သူမို့... လူကြီးတွေက အစားအစာဆို ကိုယ်ကြိုက်တာအရင်ရွေး အကျန်ကိုမှ မမနဲ့ ညီမလေးက ရကြတယ်။ ကိုယ်နဲ့ မမက ၂နှစ်လောက်ပဲကွာတာမို့ အမြဲတန်းတိုးတိုးဖော်... ညီမလေးက မမတို့ ဘာတွေပြောနေတာလဲလို့ လာမေးရင်... တယ်... ကလေး..ကလေးလို မနေဘူးလို့ ငေါက်လွှတ်တတ်သေးတာ။

နောက်ပိုင်း ကိုယ်ကအဝေးကိုရောက်သွားမှ မမကတွဲစရာအဖော်မရှိတော့ ညီမလေးကို လူကြီးအရာသွင်းရတော့တယ်။ ခုတော့ ညီမလေးက ကိုယ်နဲ့ အတူနေဖို့ ရောက်လာပြီဆိုတော့ ကိုယ့်မှာ တိုးတိုးဖော်ရလာလို့ ၀မ်းသာရတယ်။ အရင်တုန်းက ကိုယ်နဲ့ပဲ စကားတွေအများကြီးပြောတဲ့ မမက ဖုန်းဆက်ရင် ကိုယ်နဲ့ ပြောတာကနည်းနည်း သူ့ညီမနဲ့ပဲ ပြောတော့တယ်။ အိမ်မှာ ကိုယ်မရှိတဲ့ နောက်ပိုင်း သူတို့က တိုးတိုးဖော်ဖြစ်ခဲ့ကြတာကိုး။ ကိုယ်ကလည်း ညီမလေးရောက်လာကတဲက အိမ်ကို ၃ရက်တခါလောက်ဖုန်းဆက်နေကြကနေ တပတ်တခါပဲဆက်တော့လို့ အမလေး.. သူ့ညီမရောက်တာနဲ့.... မမလတ်တို့ သွေးကြီးသွားတာ... ဖုန်းတောင်မဆက်ချင်တော့ပါလားလို့ အိမ်ကလူတွေက စကားနာထိုးကြတယ်။

တကယ်တန်းက ညီအစ်မနှစ်ယောက် ၁၀စုနှစ်ကြာပြီးမှ တခါ ပြန်လည် တုတ်တပျက် ဓါးတပျက်ဖြစ်နေကြတာရယ်....။ သူက အခု စင်ကာပူကို ကျောင်းတက်ဖို့ ရောက်လာတာကိုး.....။

၁၃၊၀၇၊၂၀၀၉
နံနက် ၁၀နာရီ၅မိနစ်

ညီမလေး မွေးနေ့ အမှတ်တရ......

8 comments:

tin min htet said...

မင်္ဂလာမွေးနေ့ပါ ခင်ဗျာ ..
ဒီမှာပဲ ဆုတောင်းသွားပါတယ် :P

:P said...

ရေးထားတာ ချစ်စရာကောင်းလိုက်တာ...။

ပျော်ရွှင်ဖွယ်မွေးနေ့ဖြစ်ပါစေလို့ ညီမလေးကိုပြောပေးပါ။

sonata-cantata said...

တကယ်ကို ပျော်စရာကောင်းပါတယ်...
မွေးနေ့မှာတော့ အထူးပေါ့နော်...

ပုံရိပ် / Pon Yate said...

ညီအစ်မတွေ အကြောင်းရေးထားတာ ချစ်စရာ။ ပန်းချီလဲ အဆွဲတော်တယ်နော်။

မေဓာဝီ said...

စုချစ် ညီမလေး မွေးနေ့မှာ ပျော်ရွှင်ပါစေ ... လို့ ဆုတောင်းလိုက်ပါတယ် ...
ညီမလေးကို ချစ်တဲ့ မမလတ်လဲ အဆင်ပြေ ပျော်ရွှင်ပါစေ ... လို့

သက်ဝေ said...

အော... ဂလိုလား..
ညီမလေးက အနားမှာရောက်နေပြီကိုး...
ပျော်စရာ..
ကိုယ့်မှာ ညီအမ မရှိတော့ သူများ ညီအမတွေတွေ့ရင် ပျော်ရွှင်စွာ အားကျမိတယ်။
ညီမလေးကို Happy Birthday လို့ ပြောပေးပါ...

သက်ဝေ said...

အော... ဂလိုလား..
ညီမလေးက အနားမှာရောက်နေပြီကိုး...
ပျော်စရာ..
ကိုယ့်မှာ ညီအမ မရှိတော့ သူများ ညီအမတွေတွေ့ရင် ပျော်ရွှင်စွာ အားကျမိတယ်။
ညီမလေးကို Happy Birthday လို့ ပြောပေးပါ...

Unknown said...

pyaw ya yin tal;nyi ma lay life ne kyun tal ba wa ka tal tal lay ko ,tu like tar.kyun tal ka le a nge sone be lay.tu loe bar be