Monday, May 26, 2008

My Saving Strategy for Donation!



နာဂစ် အလှူအတွက်... စုချစ်ရဲ့ Saving Strategy လေးကိုဝေမျှပါရစေ။

မြန်မာပြည်ပြန်ပြီး ကိုယ်တိုင်ကိုယ်ကျ ကူညီလုပ်အားမပေးနိုင်တဲ့အတွက်..ဒီကနေ လုပ်ပေးနိုင်တာကတော့ တတ်နိုင်သမျှ လှူဖို့နဲ့ ပါဝင်လှူဒါန်းကြဖို့ နှိုးဆော်ပေးခြင်းပေါ့နော်။ နာဂစ်အတွက် သူများတွေ $၂၀၀၀၊ ၃၀၀၀၊ ၄၀၀၀၊ ၅၀၀၀ စသဖြင့်လှူတာတွေ မြင်ရ၊ တွေ့ရ၊ ကြားရတော့ တကယ်ပဲ သာဓုခေါ်မိပါတယ်။ အားလည်း အားကျမိပါတယ်။

စုချစ် နဲ့ ယောင်္ကျားတို့ နာဂစ်လေဘေး အတွက် လှူတာ...ဟိုဟိုဒီဒီ အလှူငွေတွေ ပေါင်းလိုက်ရင် စလုံး ငွေ $၁၃၀၀ လောက်ပဲရှိပါသေးတယ်။ ပိုက်ဆံ $၁၃၀၀ လှူပြီးပြီပဲဆိုပြီး ထပ်မလှူပဲနေရအောင်ကလည်း ခုချိန်ထိတောင် ကယ်ဆယ်ရေးလုပ်ငန်းတွေ မပြီးပြတ်သေးတာ...ထပ်ပြီးလိုအပ်နေတာတွေဟာ အများကြီးပါ။ ပြန်လည်ထူထောင်ဖို့ လုပ်ရမဲ့ အချိန်ကြရင်လည်း...ငွေအားက မဖြစ်မနေ လိုအပ်လာဦးမှာပါ။

ဒီတော့ နာဂစ်လေဘေးအတွက် အလှူဆိုတာ ရေတိုဘယ်နည်းနဲ့မှ မပြီးစီးနိုင်ပါဘူး။ ကိုယ့်လူမျိုးအကျိုးအတွက်၊ ကိုယ့်သွေးသားထဲမှာ လည်ပတ်စီးဆင်းနေတဲ့ မြန်မာသွေးအတွက် မြန်မာပြည်ကဒုက္ခ္ခရောက်နေတဲ့ သူတွေကို ဆုံးခန်းတိုင်အောင်ကူညီဖို့ဆိုတာ မြန်မာပြည်ကိုချစ်သော မြန်မာလူမျိုးတိုင်းမှာ တစိတ်တဒေသ တာဝန်ရှိပါတယ်။

နောက်တခုက...လှူတဲ့ နေရာမှာ ပုဗ္ဗ၊ မုဉ္စ၊ ပရ စေတနာ သုံးတန်ပြဌာန်းပြီးလှူရမှာ ဖြစ်လေတော့ ကိုယ်လှူတဲ့ ငွေကြောင့် ကိုယ့်မှာ ၀န်ထုပ်ဝန်ပိုး (burden) ဖြစ်ရင်မကောင်းပါဘူး။ အသိတစ်ယောက်ဆို...၂၀၀$ လှူပါတယ်။ လှူတုန်းကတော့ တကယ်စေတနာရှိရှိနဲ့ လှူလိုက်တာပေါ့။ ပြီးမှ ...အင်း..၂၀၀ များသွားလားမသိဘူး။ ဒီလ အကုန်အကျတွေကလည်းများ..ရုံးမှာ Shut Down တွေကလည်းရှိ၊ ကလေးကလည်း ခဏ၊ ခဏ နေမကောင်းလို့ဆေးခန်းပြနေရတာ...၊ ရန်ကုန်က အမေ့အိမ်ပြင်ဖို့လည်း ပိုက်ဆံက ပေးရမှာရှိသေး...စသဖြင့်...တွေးမိလိုက်တော့ လှူလိုက်တဲ့ ကုသိုလ်လေးက အပြည့်အ၀ မရတော့ဘူး။ ဆိုတော့ ၀န်ထုတ်ဝန်ပိုးလည်း မဖြစ်ရအောင်..ကုသိုလ်တွေလည်း ရအောင် စုချစ်ရဲ့ Saving Strategy ကိုပြောပြမယ်နော်။

နာဂစ်လေဘေး အလှူငွေ ရေရှည်အတွက် ဆိုပြီး စုဗူးလေး တခု လုပ်ထားပါတယ်။ အလှူအတွက်တနေ့ကို ၁$ စုပါတယ်။ အဲဒါဆို ရက်၃၀ (၁လ) ကို ၃၀$ ရပါမယ်။ စုချစ်ရဲ့ Target ကအနည်းဆုံး တစ်လ $၅၀ စုချင်တာပါ။ ဒီတော့ နောက်ထပ် အနည်းဆုံး ၂၀ ထပ်ရအောင် ဘာလုပ်သလဲ ဆိုတော့ မနက်စာ နေ့လည်စာ ညစာ စားဖို့ထဲကှ Saving ထပ်လုပ်ပါတယ်။ ဥပမာ...ထမင်းစားပြီး အအေး ၁.၅၀ တန် သောက်မယ်လုပ်ပြီးမှ...နာဂစ် သတိရသွားတာနဲ့ (နာဂစ်သတိရသွားတယ်ဆိုတာ...ထမင်းဆာလို့ ငိုနေတဲ့ ကလေးလေးတွေရဲ့ မျက်နှာကို သတိရလိုက်မိပါတယ်။) ...မသောက်တော့ပဲနေလိုက်တယ်။ အအေးသောက်မဲ့ အစား..အလကားရတဲ့ ရေကို ရုံးခန်းပြန်ရောက်မှ တ၀ကြီး သောက်လိုက်တယ်။ ဒါဆို အဲဒီနေ့ အတွက် နောက်ထပ် ၁.၅၀ ထပ်စုမိပြီပေါ့။ ဟိုတနေ့ကဆို ယောင်္ကျားက Coffee Bean သောက်မယ်လုပ်ပြီးမှ ဈေးကြီးပါတယ်လေဆိုပြီး မသောက်ဖြစ်လိုက်လို့ ၃.၅၀ စုဗူးထဲလာထည့်ပါတယ်။ နေ့တိုင်း...အဲလိုလုပ်ရမယ်၊ လုပ်တယ်လို့ မဆိုလိုပါဘူး။ ကိုယ့်အနေနဲ့ မစားလည်းပဲ ဖြစ်တယ်၊ ဆာလို့၊ အာဟာရဖြစ်ဖို့ စားတာမဟုတ်ပဲ အပို သက်သက် မထင်မှတ်ပဲကုန်တတ်တဲ့ ငွေလေးတွေကို ရံဖန်ရံခါ စုလိုက်တာကိုပြောတာပါ။

ဥပမာ...ဆေးလိပ်သောက်တတ်သူတွေဆို တနေ့ ၅လိပ်သောက်နေကြအစား နာဂစ်အလှူဆိုပြီး ၂လိပ် ၃လိပ်လောက်လျှော့သောက်ကြည့်ပါလား။ ဟော..ကုသိုလ်လည်းရ၊ ကျန်းမာရေးအတွက်လည်း ကောင်းပေါ့နော်...။ ဘီယာသောက်တတ်တဲ့ သူတွေဆိုလည်း ထိုနည်းလည်းကောင်းပေါ့။ ၂ဗူးသောက်မဲ့ အစား..၁ဗူးပေါ့။ တချက်ခုတ်၊ နှစ်ချက်ပြတ်မက...ကုသိုလ်လည်းရ၊ ၀မ်းလည်းဝ၊ ၀န်ထုပ်ဝန်ပိုး တွေလည်း ဖြစ်တော့ဘူးပေါ့နော်။

အဲလို အပို ထည့်တာတွေက တစ်လလောက်ဆိုရင် $၂၀ထပ်ပြီးရကောင်းပါတယ်။ ဆိုတော့ ပေါင်း ၅၀$ ပေါ့။ ဒါက စုချစ်ရဲ့ နာဂစ်လေဘေးအတွက် ရည်ရွယ်ပြီး မှန်မှန်စုသွားမဲ့ ရေရှည်အလှူ စီမံကိန်းလေးပါ။ ပြီးခဲ့တဲ့ တစ်ပတ်က စခဲ့တာဆိုတော့ ခုလကုန်ရင် ၃၀ လောက်ရမယ်လို့ ခန့်မှန်းပါတယ်။

*******************************
တနေ့က WP နဲ့ အလုပ်လုပ်နေတဲ့ ကောင်လေးတစ်ယောက်အိမ်လာတော့ စုချစ်ရဲ့ စုဗူးကိုမြင်ပြီး မေးတော့ Saving Strategy ကို ပြောပြလိုက်တာ သဘောကျသွားတယ်။ သူကတော့ လစာနည်းလို့ အများကြီးစုဖို့ စုချစ်မတိုက်တွန်းပါဘူး။ တနေ့ကို (၃၅ ဆင့်) စုဖို့ပဲပြောလိုက်ပါတယ်။ မနက်စာ စားတဲ့အချိန်မှာ ၁၀ပြားလေးခဏဖယ်ထား၊ နေ့လည် ၁၀ပြား၊ ညနေ ၁၅ပြား ပေါင်း...စုငွေ တနေ့ကို ၃၅ပြားစုရင် တလ ၁၀$ ရပါမယ်။ တနေ့ ၃၅ပြားဟာ ကိုယ့်အတွက် ဘာမှ မဖြစ်လောက်ပေမဲ့ အဲဒီငွေလေးနဲ့ မြန်မာပြည်က အထူးသဖြင့် ကလေးတွေ ရဲ့ ဘ၀ကို ကယ်တင်တဲ့နေရာမှာ တစိတ်တဒေသ ပါဝင်သွားတယ်ဆိုရင် ဘယ်လောက်ကုသိုလ်ရလိုက်မလဲလို့။ ဒီတော့ သူက အားရ၀မ်းသာနဲ့ သူလည်း စပြီးစုတော့မယ်လို့ပြောပါတယ်။

*******************************
နိုင်ငံခြားမှာ နေထိုင်ကြတဲ့ သူတွေ အနည်းဆုံး လူ၁၀၀၀ ကပဲ တလ $၁၀ လှူဦး၊ တလကို $၁၀၀၀၀ လှူနိုင်၊ ကူညီပံ့ပိုးနိုင်ပါမယ်။ စင်ကာပူပိုက်ဆံနဲ့ပဲတွက်ကြည့်ဦး...$၁၀၀၀၀ ဆို မြန်မာငွေ သိန်း၈၀ကျော်ရပါမယ်။ ကြည့်စမ်း.....မနက်စာ....၁၀ပြား၊ နေ့လည်စာ ၁၀ပြား၊ ညစာ ၁၅ပြား မသိမသာ ကိုယ်စုလိုက်တာလေးက လူတွေ အများကြီး ပေါင်းလိုက်ကြတော့ နာဂစ်ကြောင့် ပျက်စီးသွားတဲ အိမ်တွေကို ပြန်ဆောက်ပေးချင်တယ်ဆိုရင် အိမ်တစ်အိမ် (၁) သိန်းနဲ့ မိသားစုလေးတွေ ဘယ်နှစ်စုလောက် ကူညီနိုင်သွားကြမလဲဆိုတာ....။

*******************************
နိုင်ငံရပ်ခြားမှာနေရတဲ့ မြန်မာပြည်ကိုချစ်သော မြန်မာလူမျိုးများအနေနဲ့ အတိဒုက္ခရောက်နေတဲ့ ကိုယ့်သွေးသားမြန်မာများကို တတ်နိုင်သလောက်လက်တွဲ ကူညီသွားကြပါစို့။

2 comments:

Anonymous said...

Very good idea. decided to follow ur strategy.

maythwe said...

Well noted Kyee Su.Thanks a lot for sharing your strategy.