စုချစ် သင်ပုန်းကြီး ဖတ်စာ

ဘလော့ဂါ ကကြီး-ခခွေးတန်း

က - ကျေးဇူးအထူး
အစ်မသက်ဝေရေ... သတိတရ တဂ်လို့ ကျေးဇူးအထူး တင်ပါတယ်လို့...။

ခ - ချစ်ခင်စွာ
အဲသာကြောင့် ချစ်ခင်စွာ စာပြန်ရေးလိုက်ပါတယ်နော်...။

ဂ - ဂုဏ်ယူစွာ
ဂုဏ်ယူစွာ ပြောရရင်တော့ စုချစ်ကို အစ်မသက်ဝေကလွဲလို့ ဘယ်သူမှ တဂ်ကြဘူး။ ဟီး...။

ဃ - ဃရာဝါသ ဗဟုကိစ္စ
‘ဃရာဝါသ ကိစ္စမြားမြောင် လူတို့ဘောင်’ ဆိုတဲ့အတိုင်း ဗဟုကိစ္စ အိမ်ထောင်မှုအပြင် တခြားအလုပ်များတာတွေလဲ ပါတာကြောင့် စာကလဲ မှန်မှန်မရေးနိုင်ပါဘူး အစ်မရယ်...။

င - ငြိမ်းငြိမ်းချမ်းချမ်း
အဲသာကြောင့် တခါတရံတော့လဲ ငြိမ်းငြိမ်းချမ်းချမ်းရှိတဲ့ နေရာလေးကို အလုပ်တွေပစ်ပြီး သွားနေချင်သား...။

စ - စေတနာ
အလုပ်များပေမဲ့ ဘာလေးပဲလုပ်လုပ် စေတနာ ထားပြီး လုပ်ပါဆိုတဲ့ လူကြီးသူမတွေ ဆိုဆုံးမစကား နားထဲကြားယောင် အစဉ်လိုက်နာပါတယ် အစ်မရယ်...။

ဆ - ဆန္ဒမွန်
တခုထဲသော ဆန္ဒမွန်ကတော့ ကိုယ်လဲ စိတ်ချမ်းသာ၊ အများတကာလဲ စိတ်ချမ်းသာစေချင်တာပါပဲ...။

ဇ - ဇာတိမြေ
ခုတလော ကြားနေရတဲ့ ဇာတိမြေက သတင်းတွေကတော့ စိတ်မချမ်းသာစရာတွေ အများသားကလား...။

ဈ - ဈာန်
ဒါကြောင့် ဖြစ်နိုင်ရင် ဈာန်ရတဲ့သူများလို ၀ုန်းကနဲ ပြေးပြီး ကိုယ်တတ်နိုင်တာထက်ကို အကူအညီတွေပေးလိုက်ချင်ပါရဲ့...။

ည - ညီညွှတ်ရေး
အရေးကြီးဆုံးက ညီညီညွှတ်ညွတ် ရှိကြဖို့ဆိုတော့ ညီညွတ်ရေးနဲ့ အသက်ရှည်ရှည် ခင်ခင်မင်မင် ရှေးကထက် ပိုချစ်ကြမယ်ဆိုတဲ့... သီချင်းလေးကိုပဲ ညည်းနေရတော့တာ။

ဋ - ဋီကာ
အပိုတွေ ဋီကာချဲ့ရေးတယ်လို့ မထင်ပါနဲ့နော်… ။

ဌ - ဌာန်ကရိုဏ်းကျကျ
ဌာန်ကရိုဏ်းကျကျ သီချင်းမဆိုတတ်ပေမဲ့ သီချင်းဆိုတာလေးကလဲ ၀ါသနာပါ...။

ဍ - ဍ ရင်ကောက် ၀တ္ထုတိုများ
ဆရာသုလို ဍ ရင်ကောက် ၀တ္ထုတိုလေးတွေလဲ ရေးတတ်ချင်...။

ဎ - ဎ'ရေမှုတ်
ဒါပေမဲ့ ရေမှုတ်ကလေးနဲ့ တူတဲ့ ဎ'ရေမှုတ် အက္ခရာလေးလိုပဲ စုချစ်ဆိုတာလဲ လူမသိ သူမသိလေးဆိုတော့ကာ... ။

ဏ - ဃဂဏန
ဃဂဏန သေသေချာချာ ကြုံတုန်းလေး ပြောပြရရင်... ။

တ - တရား
မြတ်သော တရားကိုသာ အမြဲနှလုံးသွင်းလို့… ။

ထ - ထာဝရ
ကိုးကွယ်ရာအမှတ်နဲ့ ထာဝရ အားကိုးနိုင်တာက တရား ဓမ္မပဲ ရှိတာကိုး အစ်မရ… ။

ဒ - ဒါန
ဒါနလေးကိုလဲ ကိုယ်တတ်နိုင်သလောက်ပြုရင်း…။

ဓ - ဓလေ့ထုံးစံ
ကိုယ့်လူမျိုး ယဉ်ကျေးမှု ဓလေ့ထုံးစံ တွေကိုလဲ စွမ်းနိုင်သမျှ ထိန်းသိမ်း…။

န - နှလုံးသားထဲက အနုပညာ
နှလုံးသားနဲ့ရင်းပြီး လောကကြီးကို အလှဆင်နေတဲ့ အနုပညာသမားစစ်စစ်တွေကို လေးစားချစ်ခင်မိ၊ ကိုယ်ကိုယ်တိုင်လဲ အနုပညာဝါသနာပါလို့…။

ပ - ပန်းချီ
တတ်နိုင်ရင်တော့ ဘာမှမလုပ်ပဲ ပန်းချီလေးဆွဲပြီး အမြဲတန်းနေချင်တာပေါ့...။

ဖ - ဖြောင့်မတ် ဖြူစင်ခြင်း
ဘာပဲပြောပြော လောကကြီးမှာ ဖြောင့်မတ်၊ မှန်ကုန်၊ ဖြူစင်တဲ့သူတွေရဲ့ စိတ်ဓါတ်ကို တကယ်လေးစား အားကျမိတယ်။

ဗ - ဗဟုသုတ
ဗာဟုသစ္စဉ္စ - ဗဟုသုတ အကြားအမြင်များသောသူဖြစ်ခြင်းသည် မင်္ဂလာမည်၏ တဲ့။

ဒါကြောင့် ဗဟုသုတ များအောင် လက်လှမ်းမှီသလောက် စာများများဖတ်၊ ပညာရှိသူတော်ကောင်း ပြောစကားများ မှတ်သားလိုက်နာရမတဲ့…။

ဘ - ဘာသာရေး
ဘာသာရေးကိုလဲ ရနိုင်သလောက် အချိန်ပေး လေ့လာလိုက်စားအားထုတ်ပါတယ် အစ်မရ…။

မ - မေတ္တာ
မေတ္တာနဲ့ ယှဉ်တဲ့ အတွေးလေးနဲ့ သတ္တ၀ါများအားလုံး ချမ်းသာကြပါစေလို့ နေ့တိုင်း မေတ္တာပွားများပါတယ်...။

ယ - ယုံယုံကြည်ကြည်
မေတ္တာတရားသည်သာ အောင်နိုင်ရာ၊ ယုံယုံကြည်ကြည်နဲ့သာလုပ်၊ တယ်အကျိုးပေးတယ်ဆိုတာကိုး အစ်မရ…။

ရ - ရိုးရိုးသားသား
မချမ်းသာချင်နေပါစေ၊ ရိုးရိုးသားသား၊ ပျော်ပျော်ရွှင်ရွှင်ပဲနေချင်တယ်... တကယ်…။

လ - လက်ဆင့်ကမ်း
ကိုယ်သိသမျှလေးတွေကိုလဲ မျိုးဆက်သစ်ကလေးတွေကို လက်ဆင့်ကမ်းပေး ဝေမျှချင်တယ်… ။

ဝ - ၀မ်းမြောက်ဝမ်းသာ
ရယူသူထက် ပေးဝေသူ ဘ၀ဆက်တိုင်း ဖြစ်ပါစေလို့ ဆုတောင်းမိတယ်။ ပေးဝေသူဖြစ်ရတာ ၀မ်းမြောက်ဝမ်းသာ ဂုဏ်ယူချင်သူပါ… ။

သ - သီလ
သီလကို တတ်နိုင်သမျှ လုံအောင်ထိန်းဆိုတဲ့ ဆရာသမားများစကားကိုလဲ အတတ်နိုင်ဆုံး လိုက်နာလျက်ပါ…။ တခါတခါတော့ ပုရွက်ဆိတ်လေး ဘာလေး သတ်မိတာကလွဲလို့…း-)။

ဟ - ဟီရိသြတ္တပ္ပ
ဟီရိသြတ္တပ္ပ တရား- မဟုတ်တာလုပ်ရမှာ၊ မကောင်းတာပြောရမှာ၊ မမှန်တာကျင့်ရမှာ ရှက်ကြောက်တတ်ရမယ်ဆိုတဲ့ စကားကို ဦးထိပ်ပန်ရွယ်လျက်…။

ဠ - ကာဠုဒါယီ အမတ်
ဟုတ်ပါ့မလား မောင်ကာဠုရယ် လို့တော့ စုချစ်ပြောတာကို မယုံမကြည်မဖြစ်ပါနဲ့နော့… ။

အ - အသည်းနှလုံး
အသည်းနှလုံးထဲကနေ သူ့အလိုလို ခုန်ပေါက်ထွက်လာတဲ့ မှန်သော သစ္စာစကားများပါ… အစ်မရ... တကယ်… အဟုတ်ကြီး…။
း-)

*************

အစ်မသက်ဝေရေ...
ပထမတော့
က- ကာတွန်းဆွဲပြီး... ခ- ချစ်တဲ့အကြောင်းပြောမလို့... ဂ- ဂန်ဒူးလို့တော့ မထင်နဲ့... စသဖြင့် ...
ဟ - ဟိုးဟိုးဟားဟား ရယ်ရအောင် ပေါက်ကရတွေ ပြောင်နောက်ပြီးရေးမလို့ပဲ...။

အစ်မကို မလေးမစားဖြစ်မှာစိုးလို့... အတည်ပဲ ရေးလိုက်ပါတယ်။

သဘောကျမယ်၊ ကျေနပ်လိမ့်မယ်လို့ မျှော်လင့်လျက်...။

ချစ်ခင်စွာ...
စုချစ်

Happy Birthday to Dearest Friend Mae Ohn (24-05-10)

Happy Birthday to Dearest Friend Mae Ohn
(24-05-10)

မယ်အုမ်အတွက် မွေးနေ့သီချင်း လက်ဆောင်မွန်

You four-wheel is arriving, your eyes are still shining as ever!!!

with love, Suu

ဦးသုအတွက် အလွမ်းစာ

အလုပ်တွေ လုပ်စရာရှိတာ မလုပ်ပဲ ဒီလာပြီး တောင်မြောက်ရောက်လိုက်ဦးမယ်။ ဦးသု ဆုံးသွားပြီဆိုတော့ သူ့ ပုံလေးဆွဲ သူ့အကြောင်းလေးရေးချင်နေတာ... ။ ခုတော့ ပုံဆွဲချိန် မရှိလို့ ရင်ထဲခံစားမိတဲ့ သူ့အကြောင်းလေး ရေးလိုက်ဦးမယ်။

တလောကပဲ အာအိုင်တီသင်္ကြန်အကြောင်း ရေးတော့ သူ့အကြောင်းလေးပါသွားသေးတယ်။ တကယ်က အဲဒီအကြောင်းကို သူနဲ့သာ အပြင်မှာ ဆုံတွေ့ဖြစ်ခဲ့ရင် လူကိုယ်တိုင်ကို ပြောပြချင်တာ။ အဲဒီအခါ သူဘယ်လိုများ ပြန်ပြောပါ့မလဲလို့ သိချင်မိတာ။ ဟေ...ဟုတ်လား။ ဦးသုလဲ မူးနေလို့ မသိလိုက်ဘူးကွာလို့ပဲ ပြောမလား။ ဒါမှမဟုတ်... အဲဒီအကြောင်းကို သူရေးတဲ့ စာတပုဒ်ထဲပဲ ဖြစ်ဖြစ် ထဲ့ရေးမလားပေါ့။ အခုတော့ ကိုယ်လဲ ပြောပြဖို့ ခွင့်မကြုံလိုက်တော့ပါဘူး။ သူကလောကကြီးထဲက ထွက်သွားနှင့်ပြီ။ တကယ်ဆို အသက်၆၀ဟာ ငယ်သေးတယ်လို့ ကိုယ်တော့ထင်တယ်။ သူလိုစာရေးဆရာအတွက်တော့ လောကကြီးကထွက်သွားတာ အရမ်းကို စောလွန်းလှပါတယ်။

ဦးသုကို စသိတာ သူ့စာတွေဆီကနေတဆင့်ပဲ။ အိမ်မှာက သီချင်း၊ ရုပ်ရှင်၊ စာအုပ် ဆိုရင် စာအုပ်တွေကပဲ ကိုယ်တို့အတွက် အလွယ်တကူ ထိတွေ့နိုင်တဲ့ အရာ။ အဲသာကြောင့် ဦးသုကို စာအုပ်ကတဆင့် အရင် သိခဲ့ရတာ။ အချစ်နှင့် သူ၏ကိုကို၊ အချစ်လား သူဖျားနေတယ်၊ အချစ် ဆိုတဲ့ သူ့ရဲ့ ၀တ္ထုတွေကို ငယ်တုန်းက အသဲစွဲ ဖြစ်ခဲ့ရတယ်။ နောက်တော့ မဂ္ဂဇင်းတွေကနေ သူရေးတဲ့ ၀တ္ထ္ထုတိုလေးတွေကိုလဲ သဘောကျနှစ်ခြိုက်မိခဲ့တယ်။ နောက်တော့ သူ့ရဲ့ ရုပ်ရှင်တွေကိုကြည့်ရတော့ သဘာဝကျတဲ့သူ့သရုပ်ဆောင်မှုကြောင့် စွဲလန်းရပြန်ရော။ သူက မုံ့ဟင်းခါးသည်နဲ့ တူလို့ မင်းသားဖြစ်ခဲ့ရတယ်ပြောပေမဲ့ သူ့ကို ရုပ်ဆိုးတယ်လို့ တခါမှ မမြင်မိခဲ့ဘူး။ ကိုယ်က ယောက်ျားဆို ချောတာမျိုးမကြိုက်တော့... ရိုးရိုးသားသား တည်တည်ကြည်ကြည်ရုပ်မျိုးဆို မျက်လုံးထဲမတော့ ကြည့်ကောင်းတယ်လို့ ထင်ပြီး သဘောကျနေတာပါပဲ။ ဒီအတိုင်းပဲ ဆရာမောင်ဝဏ္ဏ၊ ဆရာမင်းလူတို့ကိုလည်း သဘောကျခဲ့တယ်။

အထူးသဖြင့် ဦးသုတို့ ညီအစ်ကို တစု အနုပညာ မိသားစုကို အထင်ကြီးလေးစားရတဲ့ အကြောင်း တခုရှိတယ်။ အဲသာကတော့ သူတို့စာထဲမှာ သူတို့ အဖေ နောက်မိန်းမယူတဲ့ ကိစ္စကို ဘယ်တော့မှ အပြစ်တင်ပြီး ရေးထားတာမျိုးကို မတွေ့ရခြင်းပဲ။ ဦးသုက သူ့မိသားစု အကြောင်း အရေးများတော့ ဒီအထဲမှာ သူ့အဖေ နောက်မိန်းမယူတဲ့ အကြောင်းကလဲ ပါပါလာတတ်တယ်။ အဲဒီအခါ သူရေးတဲ့ပုံစံက သားတစ်ယောက်အနေနဲ့ ရေးတဲ့ပုံစံမဟုတ်ဖူးနော်။ အပြင်လူတစ်ယောက်အနေနဲ့ မြင်သမျှလေးတွေကို မြင်တဲ့အတိုင်း အပြစ်တင်ခြင်းမရှိ၊ အရှိကို အရှိအတိုင်း ပြောပြနေသလိုလေး ရေးတတ်တာ။ သူ့အဖေ နောက်မိန်းမငယ်ငယ်လေးတွေ ယူခြင်းအတွက် အပြစ်ပြောတဲ့ စာမျိုး တကြောင်းတလေလောက်ရေးတာမျိုးတောင် မမြင်ဖူးဘူး။

ဒီအတိုင်းပဲ မျိုးရိုးထဲမှ ဆိုးပေကြီးများကို ရေးတယ်။ တကယ်ဆို အဲသလို ကိုယ့်အမျိုးထဲက ဆိုးတဲ့သူတွေအကြောင်းရေးရတာ မရေးတတ်တဲ့ သူအဖို့ဆို အင်မတန် သတိထားရမှာပဲ။ အရေးမတတ်ရင် အမျိုးအချင်းချင်း မုန်းစရာကို ဖြစ်ရမှာ အမှန်ပဲ။ ဒါပေမဲ့ ဦးသုရေးတဲ့ပုံစံက သူ့မိသားစု အသိုင်းအ၀ိုင်း ဆွေတွေမျိုးတွေ ရဲ့ စိတ်နေသဘောထား ကိုပြောပြရင်း၊ လူ့လောကကြီးမှာ ရှိတဲ့ လူတစ်ဦးချင်းစီရဲ့ စိတ်နေသဘောထား စရိုက်တွေကို ပုံဖေါ် သွားတာပဲ။ အဲဒီမှာ ပါးပါးလေး သူပုံဖေါ် သွားတာတွေက ဘယ်မိသားစု အသိုင်းအ၀ိုင်းမှာ မဆို လူအမျိုးမျိုး၊ စိတ်အထွေထွေဆိုသလို မတူညီတဲ့ စိတ်ကလေးတွေ၊ စရိုက်လေးတွေ ပါလာတတ်ကြတယ်။ အဲဒီမတူညီတဲ့ အကျင့်စရိုက်ကြောင့် အချင်းချင်းကြားထဲမှာ ပဋိပက္ခတွေဖြစ်လာတဲ့အခါ မေတ္တာနဲ့ သည်းခံခွင့်လွှတ်ပြီး ဘယ်လိုထိန်းသိမ်းဖြေရှင်းသွားမယ်၊ ဘယ်လို စိတ်ချမ်းသာအောင် နေထိုင်သွားမယ်ဆိုတာလေးတွေကို ရိုးသားတဲ့ စိတ်ဓါတ်ကြည်လင်မှုအခံနဲ့ ရေးချယ် သီမှုန်းထားတာပဲ။

လူတိုင်းလိုလိုမှာ မဟုတ်မခံစိတ်ဓါတ်တွေ အနည်းနဲ့ အများဆိုသလို တွေ့ကြရတတ်တယ်။ ကျနော်/ ကျမကတော့ မဟုတ်ရင် နဲနဲလေးမှ မခံဘူးခင်ဗျ/ ရှင့် လို့ လူတော်တော်များများ ပြောတတ်ကြပါတယ်။ ကိုယ်ကိုယ်တိုင်လဲ ပြောခဲ့ဖူးတာပဲ။ ဒါပေမဲ့ အသက်ကလေးရလာတော့ လောကမှာ အရေးကြီးဆုံးက မဟုတ်ရင်မခံဘူးဆိုတဲ့ စိတ်ဓါတ် မဟုတ်ဘူး။ လူအချင်းချင်း တစ်ယောက်နဲ့ တစ်ယောက် နားလည် ခွင့်လွှတ်တတ်မှု၊ မေတ္တာတရား က အရေးကြီးဆုံးဆိုတာ သဘောပေါက်လာရတယ်။

အမေဒေါ်ခင်မျိုးချစ်ကပြောဖူးတယ်။ စာတပုဒ် ဖတ်လိုက်ရလို့ သူတစ်ဦးတစ်ယောက်ရဲ့ စိတ်ဟာ ကျယ်ပြန့်လာမယ်။ တနည်းဆိုရရင် သဘောထားကြီးလာမယ်။ ခွင့်လွှတ်နိုင်တဲ့စိတ် ရင့်သန်လာမယ်ဆိုရင် ဒီစာမျိုးကို စာကောင်းပေကောင်းလို့ ခေါ်နိုင်ပါသတဲ့။

မေတ္တာတရားလက်ကိုင်ထားပြီး သဘောထားကြီးရင့်လာအောင် ကူညီပေးတဲ့ ဦးသုရဲ့ စာကောင်းပေမွန်တွေဖတ်ရတဲ့ အတွက် ဦးသုကို အများကြီးကျေးဇူးတင်လေးစားမိပါတယ်။

ဦးသု ကောင်းရာဘုံဘ၀မှာ ငြိမ်းချမ်းနိုင်ပါစေသော်။

စုချစ်