မြန်မာ ပြက္ခဒိန်လေးများ

မိတ်ဆွေများအားလုံးသို့....

မစုချစ်ငယ်ငယ်လေးကတဲက ဒီဇိုင်းလုပ်ရတာကို ၀ါသနာပါပါသည်။ ပထမဦးဆုံး ကိုယ်ပိုင် ပြက္ခဒိန်လေးကို ၁၂နှစ်သမီးအရွယ်သာသာက စတင်ဒီဇိုင်းဆွဲခဲ့ဘူးပါသည်။ wall sheet paper မှာ အပေါ်ပိုင်းကို ရေဆေးရှုခင်း ပန်းချီပုံဆွဲပါသည်။ အောက်တစ်ပိုင်းကို အတိုင်းအထွာနဲ့စကေးကိုက် ဇယားအကွက်ချပြီး ၁၂လစာ လုပ်ရပါသည်။ စနေ၊ တနင်္ဂနွေကို အရောင်တမျိုးဖြင့် ရေးချယ်ပါသည်။ မစုချစ်မှာ အဲဒီတုန်းက ရောင်စုံ ဆော့ပန် မရှိသည့်အတွက် ဂဏန်းတွေ အားလုံးကို စိတ်ရှည် လက်ရှည် စုတ်တံဖြင့် ရေးခြင်းဖြစ်ပါသည်။ အတော်ကို စိတ်ရှည်လက်ရှည် အပင်ပန်းခံပြီး လုပ်ရသော အလုပ်တခုဖြစ်ပါသည်။ ပြက္ခဒိန်ပြီးသွားလို့ အိမ်ရှေ့ခန်းမှာ ချိတ်ထားလိုက်ပြီး မိမိကိုယ်ပိုင် ပြက္ခဒိန် ဒီဇိုင်းကို ကြည့်မ၀ ရှုမ၀ ဖြစ်ရပါသည်။ လာသမျှ ဧည့်သည်များက တနေရာရာက ၀ယ်ထားတာဟုပဲထင်တာ၊ ကောင်းလိုက်တာဟု ချီးကျူးလျင်တော့ တပြုံးပြုံးနှင့် ကျေနပ်မဆုံးဖြစ်ခဲ့ရပါသည်။

ဒီလိုနှင့် ငယ်တုန်းက လုပ်ခဲ့ဘူးသော ပြက္ခဒိန်လေးများကို စင်ကာပူရောက်ပြီးမှ အထူးပြန်လည် သတိရမိပါသည်။ သို့နှင့် ကွန်ပြူတာဖြင့် လွယ်လွယ်ကူကူ ဒီဇိုင်းလုပ်လို့ ရနေတာ၊ ငယ်ငယ်ကနည်းပညာ မပြည့်စုံလို့ အပင်ပန်းခံလုပ်ရသလောက်တောင်မရှိတာ၊ ကိုယ်ပိုင် ပြက္ခဒိန်လေးတွေပြန်လုပ်မည်ဟု စိတ်ပိုင်းဖြတ်ကာ ၂၀၀၀ခုနှစ်နောက်ပိုင်းမှ စ၍ မိသားစု ဓါတ်ပုံများနှင့် စားပွဲတင် ပြက္ခဒိန်လေးများကို စတင် ဒီဇိုင်းလုပ်ခဲ့ပါသည်။ ကွန်ပြူတာဖြင့် အလွယ်တကူဆွဲရ၊ ရေးရတာမို့ ငယ်ငယ်တုန်းကလုပ်သလို မခက်ခဲလှပါ။ နီးစပ်ရာ သူငယ်ချင်းများမှ ပြက္ခဒိန်လေးများကိုတွေ့ရှိကာ လိုချင်ပါသည်ဟု တောင်းဆိုသဖြင့် ၂၀၀၆စ၍ နီးစပ်ရာ သူငယ်ချင်းများကို ဖြန့်ဝေခဲ့ပါသည်။ ၂၀၀၇မှစ၍ နှစ်စဉ် စားပွဲတင် ပြက္ခဒိန် ဒီဇိုင်း ၃မျိုးမှ ၄မျိုး အထိ အီးမေးလ်များမှ တဆင့် ဖြန့်ဝေခဲ့ပါသည်။ SMC (Satipatthana Meditation Centre) webpage မှာတင်ပေးခဲ့ပါသည်။

၂၀၀၈ခုနှစ်တွင် နှစ်သစ်အစမှာ အားလုံးကို အမှီပေးချင်ဇောဖြင့် (ထိုစဉ် မြန်မာ ပြက္ခဒိန်မှာလည်း လက်ထဲ၌မရှိ) မြန်မာရက်များကို အင်တာနက် မှတွေ့သော program တခုဖြင့် generate လုပ်၍ရေးမိရာ ရက်တရက်လွဲသွားပါသည်။ တချို့သော စာလုံပေါင်းများမှာလည်း မှားနေပါသည်။ အမှားသိသိချင်း ဒုတိယ version ပြက္ခဒိန်ကို အမြန်ပြန်ပြင်ရေးဆွဲကာ လက်လမ်းမှီသလောက် ပြန်လည် ဖြန့်ဝေခဲ့သော်လည်း တဆင့်တဆင့်ရသော မေးလ်များဖြင့် တချို့သောသူများမှာ ပြက္ခဒိန်အမှားကြီးကိုသာ သုံးနေနိုင်ပါသည်။ တချို့သော blog နှင့် web page များတွင် အမှားတင်ထားသည်ကို တွေ့ရှိပါသဖြင့် အမှန်ကို အီးမေးလ်ပို့ကာ ပြင်ခိုင်းသော်လည်း မပြင်သောသူများရှိခဲ့ပါသည်။

မြန်မာ့နေ့ကြီးရက်ကြီးများကို အလွယ်တကူ သိရှိနိုင်စေရန် ရည်ရွယ်ချက်ဖြင့် ရေးဆွဲထားသော ပြက္ခဒိန်ကို လူအများ အမှားကိုသုံးနေမိကြမှာကို တွေးပြီး စိတ်မကောင်းဖြစ်မိပါသည်။ ထို့ကြောင့် ဤ၂၀၀၉ ခုနှစ်မှစ၍ စုချစ်သူ ဘလော့မှာ ပြက္ခဒိန်များကို တင်ထားပါမည်။ အမှားတစုံတရာများ တွေ့ရှိပါက ဤဘလော့မှာ comments ရေးကာအသိပေးနိုင်ပါသည်။ myanmarcupid.net မှာလည်း post တင်ကာ အသိပေးပြောကြားနိုင်ပါသည်။ တခြား မည်သည့် blog , web page များတွင်မဆို (စီးပွားရေးအတွက်မှလွဲ၍) ပြန်လည် ဖြန့်ဝေအသုံးပြုနိုင်ပါသည်။ သို့ရာတွင် suuchitthu.blogspot.com (or) www.myanmarcupid.net မှ ရရှိပါသည်ဟု ထည့်သွင်းဖေါ်ပြပေးကြပါရန် အထူးမေတ္တာရပ်ခံအပ်ပါသည်။

ကျေးဇူးတင်လေးစားစွာဖြင့်...
စုချစ်