Sunday, May 31, 2009

သွားဆေးခန်းများ

သွားကိုက်၊ သွားနာတော့ ကူညီပြီး ဆေးခန်းရှာပေးကြ၊ ပြောကြနဲ့ သူငယ်ချင်းတွေအားလုံးကို ကျေးဇူးအထူး တင်ရှိပါတယ်။ မြန်မာပြည်ပြန်မလား စဉ်းစားမိတော့ မြန်မာပြည်က သွားဆေးခန်းတွေကို ကျူးပစ်က မောင်နှမတွေက ကူပြီးရှာပေးကြတာကို အားလုံးကြည့်လို့ရအောင် ဒီမှာ တင်လိုက်ပါတယ်။ ကိုယ်သိတဲ့ စင်ကာပူနဲ့ ဂျေဗွီက ဆေးခန်းလိပ်စာတွေပါ ရေးထားပါတယ်။

ဘလော့ဖတ်လာ မိတ်သဟာများအာလုံး သွားများကျန်းမာ၊ ခိုင်ခံ့၊ လှပလို့ နာခြင်း၊ ကိုက်ခြင်းမှကင်းရှင်းကြပါစေသော်....။ ။ ဒီကတော့ ခုလာမဲ့ အပတ်မှာ နောက်ထပ်တချောင်း အာတီစီလုပ်ရဦးမယ်...။ အီး.................

*******************

မြန်မာပြည်မှ သွားဆေးခန်းများ
၁) SSC သွားဆေးခန်း
၂) လမ်း ၃၀ သွားဆေးခန်း
၃) သွားဆေးခန်း ( ကုက္ကိုင်း ရေကူးကန်လမ်း )
မှတ်ချက်။ ။ အဆင့်မြင့် ပိုးသတ်စက်များလဲ ခေတ်မှီ၊ ကုသခ ဈေးကြီး။
၎) ဒန်ဒသုခ ( ဦးချစ်မောင် လမ်း )
၅) KOE ( ရှစ်မိုင်လမ်းဆုံနား )
မှတ်ချက်။ ။ ကုသခ ဈေးကြီး၊ အံဆုံးနှုတ်ခ - ၁ချောင်းကို ၁သိန်းခွဲ ( လက်ရှိဈေး) ။
၆) ဒေါက်တာဆန်းဝင်း - ဆန်းသွားဆေးခန်း ( လမ်းသစ်လမ်း )
မှတ်ချက်။ ။ လက်ရာကောင်း၊ ထက်ခါထပ်ခါ သွားစရာမလို၊ သွားဖာ - ၄၀၀၀၀ ( လက်ရှိဈေး) ။
၇) ဒေါက်တာမြတ်စိုး ( သော်မဆင် ၁လမ်း )
မှတ်ချက်။ ။ စိတ်ရှည်တယ်။ လက်ရာကောင်းတယ်။
၈ ) ဒေါက်တာကျော်မြင့် ( လှည်းတန်း တက္ကသိုလ် သွားဆေးခန်း )
မှတ်ချက်။ ။ ကုသခ ဈေးမများ။
၉ ) ဒေါက်တာအောင်ထန်း - safe & Clean Dental
မှတ်ချက်။ ။Root Canal Treatment Expert

မှတ်ချက်။ ။
အဲဒီမှတ်ချက်တွေက သွားပြဘူးတဲ့လူတွေ ပြောတဲ့အတိုင်းရေးထားတာပါနော်။ ကိုယ်တိုင်သိလို့ မှုတ်ပါဘူး။ အမှားပါခဲ့ရင် ခွင့်လွှတ်ပါ။

စင်ကာပူမှ သွားဆေးခန်းများ
၁) SGH - National Dental Centre
Tel: 6324 8802

၂) NUH
Tel: 6772 4921
Email : Dental_Centre@nuh.com.sg
Walk in - Morning 8 to 10am
Afternoon 1 to 3:30 pm

၃) Raffles
Tel: 6311 2360 / 6311 2365

၎) Q&M Dental Surgery ( Neighborhood Clinic )
There are associated Clinics in Island Wide
http://www.qandm.com.sg/

၅) International Dental Centre
Dr. Marlar Tun (Burmese Dr)
No. 6 Gemmill Lane
Singapore 069249
Tel: 6372 0082
Email: admin@idcsg.com

မှတ်ချက်။ ။
neighborhood GP ကို သွားတယ်ဆို Consultation fee မပေးရပါဘူး။ သွားဖာခ၊ နုတ်ခကိုသာယူပါတယ်။ Specialist ဒါမှမဟုတ် Professor လိုမျိုးကို ပြတယ်ဆိုရင်တော့ Consultation fee 80 လောက်က သတ်သတ်ပေးရပါတယ်။ NUH မှာStudent program လိုမျိုးရှိတယ်လို့ ပြောပါတယ်။ သွားဆေးကျောင်းတက်နေတဲ့ ကျောင်းသားတွေနဲ့ လုပ်ရင် တ၀က်မက ဈေးသက်သာပါတယ်။ အချိန်တော့ စောင့်ရပါတယ်တဲ့။ Raffles မှာ specialist နဲ့ ပြတာ အတော်ဈေးကြီးပါတယ်။ အပြင်ဆေးခန်း specialist က Bridge ကို ၂၀၀၀ လို့ ပြောရင် သူက ၃၀၀၀ လောက်ဈေးရှိပါတယ်။ Quality အထူးကောင်းလို့ ဈေးကြီးပါတယ်တဲ့။ တချို့ကလည်း ဆေးရုံက အပြင်ဆေးခန်းထက်ပိုနည်းစနစ်ကျ၊ စက်ပစ္စည်းပိုစုံတယ်ဆိုပြီး ဆေးရုံကိုပဲ ပိုအားသာကြပါတယ်။

မလေးရှား ဂျေဗွီမှ သွားဆေးခန်း
Lim Dental Surgery
Lot F27, Holiday Plaza
Jalan Dato Sulaiman,
Century Garden,80250
Johor Bahru, Malaysia
Tel : 07-3311858 for appointment

မှတ်ချက်။ ။
မလေးရှားမှာတော့ စင်ကာပူထက် တ၀က်မက ဈေးသက်သာလို့ ပြောကြပါတယ်။

Monday, May 25, 2009

သွားကိုက်ခြင်း အနုပညာ


အစကတဲက အဲဒီညာဖက်အံသွား သွားစိုက်ထားတဲ့နေရာက အပေါ်ရော၊ အောက်ရော နာ-နာ နေတတ်တာကြာလှပြီ။ ဒီကလည်း တော်ရုံနာတယ်ဆို ဆေးရုံ၊ ဆေးခန်းသွားရမှာ အင်မတန်ပျင်းတဲ့သူဆိုတော့ ပရုပ်ဆီလေးလိမ်းလိုက်၊ လေးညှင်းဆီလေးသုတ်လိုက်၊ ရတနာထွန်းလေးသိပ်လိုက်၊ ဆရာခိုကို နှာခေါင်းရှုံ့ပြီး ထည့်လိုက်၊ Antiseptic Mouthwash နဲ့ ပါးလုပ်လေးကျင်းလိုက် .... မသိလိုက် မသိဖာသာ နေလိုက်တာပဲ။ ထူးပြီး စိတ်ထဲထားမနေတော့ဘူး။

မှတ်မှတ်ရရ ၁၀တန်း စာမေးပွဲဖြေခါနီးမှာ သွားကအရမ်းကိုက်နေတာနဲ့ ညာဖက် အပေါ် အောက် အံသွား၂ချောင်းစလုံးကို ဆရာဝန်က (ရက်ရက်စက်စက်) နုတ်ပစ်လိုက်တယ်။ အမှန်တကယ်က သွားကိုက်လွန်းအားကြီး၊ စာကမကျက်နိုင်နဲ့ ဆရာဝန်ကို နုတ်လိုက်ပါလို့ မသိနားမလည်စွာ ပြောတာကို သူကတကယ်ပဲ နုတ်ပစ်လိုက်တာ။ ခုမှပြန်စဉ်းစားကြည့်တော့ နုတ်လိုက်တဲ့သွားတွေက တော်တော်ကို အကောင်းကြီးတွေရှိသေးတာရယ်။

ကိုယ့်အပစ်ပဲထားပါတော့လေ...။ ထန်းလျက်၊ သကြားလုံး အချို အင်မတန်ကြိုက်တဲ့သူ၊ ညဖက်အိပ်ရာဝင်ခါနီး တခါတရံ သွားတိုက်ရမှာ ပျင်းတဲ့သူ၊ သွားတိုက်ပြီးပေမဲ့လည်း အိပ်ရာထဲရောက်ပြီးမှ ဗိုက်ဆာလို့ ဆိုပြီး မုံ့တွေထစားလေ့ရှိတဲ့သူ။ ၁၆နှစ်သမီး တက္ကသိုလ်ရောက်တဲ့နှစ်မှာ အံသွား၂ချောင်းမရှိတော့ဘူးဆိုတာ တော်တော်တော့ စိတ်ပျက်စရာ၊ ရီစရာကောင်းတာပေါ့နော်။

သာနဲ့ အဲဒီနုတ်လိုက်တဲ့ အံသွားဟောင်းလောင်းလေးတွေနဲ့ပဲ အင်ဂျင်နီယာဘွဲ့ရလာခဲ့ပြီး၊ အလုပ်စ၀င်တော့မှ ကိုယ့်ဝင်ငွေလေးနဲ့ အဲဒီသွားဟောင်းလောင်းလေးကို ပြန်စိုက်ဖို့လုပ်ရတော့တယ်။ ကျောင်းပြီးကာစ၊ အိမ်နားမှာ ဆေးခန်းလာဖွင့်တဲ့ သူငယ်ချင်းသွားဆရာဝန်က သူလုပ်ပေးမယ်ပေါ့လေ.. (ဈေးသက်သက်သာသာနဲ့ပေါ့...)။ သူက စကားတွေဖောင်လောက်အောင်ပြောပြီး (ဟိုငေးဒီငေးနဲ့)လုပ်ပေးတာ...တကတဲ... စိုက်လိုက်တဲ့ သွားကို ကပ်တဲ့နေရာမှာ နည်းနည်းချော်တာလား၊ လိုတာလားမသိ။ အဲဒီနေရာကနေ အစာသေးသေးလေးတွေက ၀င်လို့ရနေတာပေါ့။ (နောက်ဆို မြဲမြဲမှတ်ကြပါ... ကိုယ့်ကိုပိုးနေတဲ့ သွားဆရာဝန်ဆီများ ဘယ်တော့မှ သွားမလုပ်ကြပါနဲ့...) ခုမှ လောလောလတ်လတ်လုပ်ထားတာဆိုတော့ မကောင်းမှန်းသိပေမဲ့ ဒီကလည်း ဒီအတိုင်းပဲထားလိုက်တော့တယ်။ အဲသာကြီးပြန်ဖြုတ်ပြီး အသစ်ပြန်လုပ်ပေးပါမယ်လို့တော့ သူက ပြောရှာပါတယ်။ ပိုက်ဆံမယူပါဘူးတဲ့။ ပြန်ဖြုတ်ရင် ဒရေနဲ့ပြန်ထိုးရ၊ နာရမှာတွေးပြီး အဲသာကြီးနဲ့ပဲ နေလိုက်တာ ၄၊ ၅၊ ၆နှစ်။

စင်ကာပူရောက်ပြီး ၃နှစ်လောက်နေတော့ အဲဒီအံသွားစွပ်ထားတာတွေက တော်တော်ကို ချောင်လာပါလေရော။ ဒါပေမဲ့ သူက ချောင်တဲ့နေရာကချောင်၊ ကပ်တဲ့နေရာကျတော့လည်း တအားကပ်... အဲသလို။ ဒီက မြန်မာသွားဆရာဝန်ဆီသွားပြတော့ အဲသာကြီးပြန်လုပ်ရင် တဖက်ကိုစလုံး၂၀၀၀တဲ့။ ဒီလောက်ဈေးကြီးတာ မလုပ်ပါဘူးဆိုတာတောင် ဆရာဝန်မမက ပလာယာနဲ့ သမလိုက်သေးတယ်။ သို့သော်လည်း အဲသာကအရမ်းနာတာ၊ ကိုက်တာလဲ မဟုတ်တော့ အချိန်ရွှေ့ပြီး မြန်မာပြည် ပြန်မှပဲ လုပ်မယ်ပေါ့။ မြန်မာပြည်ပြန်ရောက်တော့ သူများညွှန်တဲ့ တော်တယ်ဆိုတဲ့သွားဆရာဝန်ဆီသွားပြရော... အမလေး ...ဆူလိုက်တာ။ အဲသလို မကောင်းတဲ့ဟာကို မဖြုတ်ပဲထားတာ ဘေးက သွားအကောင်းတွေပါ နာကုန်ပြီတဲ့။ သာနဲ့ သူက အပေါ် အောက် အသစ်ပြန်စိုက်ပေးလိုက်တာပေါ့။ မြန်မာပြည်မှာ ၂၀၀၃ ကလားမသိ ... လုပ်တာ ၃သိန်းပေးရတယ်။ ကောင်းသွားပြီပေါ့.... စိတ်ထဲမှာတော့....။

ဒီက အချိုကလည်းသိပ်ကြိုက်တော့ အစာအိမ်ဆိုတဲ့ ရောဂါလေးကလည်းရှိတော့ ချောကလက်မျိုးစုံ ဆိုတာ အိမ်က၊ ရုံးက အံဆွဲထဲမှာ အပြည့်ရှိတယ်။ နံနက်ရုံးရောက်ရင် ဘရိတ်ဖတ်က ချောကလက်တတောင့် ဖြစ်ချင်လည်းဖြစ်တာ။ ညဖက်ဗိုက်ဆာရင်လည်း ခပ်လွယ်လွယ်ပဲ ချောကလက်တတုံးလောက်ပါးစပ်ထဲ ပစ်ထည့်လိုက်တာမျိုးဆိုတော့ ဒီသွားတွေ ဒီလောက်ထိခံနိုင်ရည်ရှိတာပဲ ချီးကျူးချင်စရာ....။

ပြီးခဲ့တဲ့ တပတ်ကတော့ အပြင်မှာ ညစာသွားစားကြရင်း ဗြုန်းဆို ညာဖက်တဖက်လုံး သွားတွေနာလာပါလေရော။ ဒီတခါနာတာကတော့ ဆိုးတယ်ဆရာ.... နာတယ်...နာတယ်မှတ်ရင်း မျက်ရည်က အလိုလိုလည်လာတယ်။ သွားနာတာတင်မဟုတ်၊ မေးရိုးတပြင်လုံးနာ၊ ခေါင်းကလည်းကိုက်။ အပေအတေဆိုတော့ ၂ရက်၊ ၃ရက်လောက် အောင့်အီးပြီးနေလိုက်သေးတယ်။ ကိုက်ရင်ကိုက်တယ်မှတ်စမ်း၊ နာရင်နာတယ်မှတ်စမ်းဆိုပြီး ညဆိုကြိတ်မှိတ်အိပ်...။

မရပါဘူး။ ၃ရက်၊ ၄ရက်လောက်နေတော့ ရုံးမှာနေရင်း မခံနိုင်တော့တာနဲ့ အနီးအနားက သွားဆေးခန်းကို ပြေးရတော့တာပဲ။ ဆရာဝန်က သွားတွေအားလုံးစစ်ဆေးပြီး ဘာလို့ ဒီလောက်ထိ ဂရုမစိုက်ရသလဲဆိုပြီးတော့ ဆူပါလေရော... ။ အံသွားတော်တော်များများ ပိုးပေါက်တွေနဲ့ Root Canal treatment လုပ်ရမယ်တဲ့။ တချောင်းကို ၁၀၀၀လောက်ကျမယ်.. တဲ့။ ကိုယ့်အတွက် ကိုယ်သုံးရမယ်ဆို တပြားကအစ ခွာချင်နေတဲ့ ဒီကလည်း... အမလေး...တော်တော့ ...မလုပ်ဘူးပေါ့။ အကိုက်အခဲပျောက်ဆေးတွေ တောင်းလာပြီး ၃ရက်လောက် ဆက်ပြီးပေတေခံပေါ့။ အဲဒီနေ့က ဆရာဝန်က သွားနာသက်သာအောင် ဆေးထိုးပေးလိုက်တာ၊ မသက်သာတဲ့အပြင် သွားနာတာကတမျိုး၊ ဆေးထိုးလို့နာတာကတမျိုး။ ဒီတော့လည်း နာတယ်...နာတယ်မှတ်ပေါ့။

အိမ်ကယောက်ယောက်နဲ့ ညီမတော်တို့လည်း ကိုယ်ကသွားနာနေလို့ စိတ်တွေညစ်ကြ။ RCT လုပ်ဖို့ ဒီမှာ ဈေးကြီးလို့ မလုပ်ချင်ဘူး။ မြန်မာပြည်မှာ လုပ်ရကောင်းမလား ကျူးပစ်က ဘော်ဘော်တွေကိုမေးတော့ ကူညီပြီးဖြေပေးကြတာလဲ အများအပြား။ ရုံးကလူတွေလည်း မနေရ။ ကိုယ့်ဘော့စ် ကလည်း ဟိုဆေးခန်း၊ ဒီဆေးခန်း ဖုန်းတွေဆက်ပြီးမေးပေး။ လုပ်ဖော်ကိုင်ဖက်တွေကလည်း ဆန်ပြုတ်ပြေးဝယ်ပေးတဲ့သူနဲ့၊ ရေခဲကပ်ရအောင် ပြေးရှာပေးတဲ့သူနဲ့။ ပိုက်ဆံကုန်ရင် ပြန်ရှာလို့ရတာပဲ... နင့်မှာ ခွင့်တွေမှ မရှိတော့တာ မြန်မာပြည်ပြန်မှလုပ်မယ်လို့ စောင့်လို့မှ မရတာ...ဒီမှာပဲ သွားလုပ်ပါဟယ်လို့ နားချတဲ့သူက နားချ။ မလေးရှား ဂျေဗွီမှာဆို သက်သာမှာလို့ ပြောပြီး စုံစမ်းတဲ့သူ စုံစမ်း၊ medisave က claim လို့ ရမလား internet ထဲရှာတဲ့သူကရှာနဲ့ပေါ့...။

ဘော့စ်က second option ရအောင်ဆိုပြီး Raffles ဆေးရုံကိုသွားဆိုလို့ စပယ်ရှယ်လစ်ဆီ တိုက်ရိုက် အပွိုင့်မန့်ယူပြီးသွားပြကြည့်ခဲ့သေးတယ်။ သူ့ဆီပြမိတော့မှပိုဆိုးတယ်။ မေးရိုးကို စီတီစကန်လုပ်ရမယ်တဲ့။ သွားစိုက်တာက ၃၀၀၀တဲ့။ Root Canal treatment နဲ့ပေါင်း၊ အပေါ်အောက် စလုံး ၁၀,၀၀၀။ ကိုယ်ကတော့ ပေါ်တင်ပဲ.... အောင်မလေး သွားကဘာလို့ အဲသလောက် ဈေးကြီးရပါသလဲဆိုတော့ ဂျာမာန်နည်းပညာဆိုပဲ။ သွားကိုက်လို့ သွားပြတာ ပြန်လာတော့ နှလုံးရေဂါ မရရုံတမယ် ရင်ဘတ်ဖိပြီး ပြန်လာရတယ်။ ဘာ.. စီတီ စကန်မှလည်း မလုပ်ခဲ့ဘူး။ ဒါနဲ့ပဲ ဆက်ပြီး နာတယ်...နာတယ်မှတ်ပြန်ရော....။

ဖေဖေတို့ မေမေတို့အတွက် ဆေးစစ်တာ၊ ကုန်ကျတာတွေ ဘယ်တုန်းကမှမနှမျော ခဲ့စဘူး။ ညီမအတွက် အမအတွက် သူရို့လိုချင်တာ ၀ယ်ပေးရတာ၊ ဘာညာ မညူစူ ခဲ့စဘူး။ ယောက်ယောက်ကလိုချင်တာဝယ်ရင် တော်ရုံတန်ရုံ ဘယ်တော့မှ မတား ခဲ့စဘူး။ လှူတာတန်းတာတွေအတွက်လည်း ဘယ်တုန်းကမှ လက်မတို ခဲ့စဘူး။ အခု... ကိုယ့်အတွက်သုံးဖို့လည်း ကျရော... နှမျောလိုက်တာဆိုတာ....။ အားလုံးက တောင်းတောင်းပန်ပန်နဲ့ တွန်းလွှတ်တော့မှ ကိုယ်လည်း နှမျှောတသလှစွာနဲ့ တနေ့ကပဲ သွား၂ချောင်းကို RCT သွားလုပ်လိုက်ပါတော့တယ်။ ဒါတောင်ဆရာဝန်က ပြောလိုက်သေးတယ်။ နောက်၂ပတ်ကြာရင် နောက်ထပ် ၂ချောင်းလာလုပ်ရဦးမယ်တဲ့။ ဒီကတော့ see how... ပေါ့ကွယ်... စဉ်းစားကာနေရပါဦးမယ်....။

အရင်ကတဲက နေမကောင်းကဖြစ်နေတော့ လေ့ကျင့်ခန်းကလုပ်စရာမလိုပဲ ၁၅ပေါင်လောက်ကျသွားတယ်။ ခုတော့ ပါးလေးဖေါင်းဖေါင်းပြန်ဖြစ်လို့.... (ချစ်စရာလေး - ကိုယ့်ကိုယ်ကို ထင်တာ ) (အကောင်းတော့မှုတ်ပါဘူး.... ပါးယောင်နေတာ....။) ယောက်ယောက်က သူ့ကင်နွန်ကင်မရာ အသစ်ကြီးကိုင်ပြီး သွားနာနေတဲ့ပုံကို မှတ်တမ်းတင်တော့ ဒီကပြန်ပြောလိုက်တယ်။ ပါးစပ်ထဲ ကင်မရာငုံထားတဲ့သူ ရိုက်စရာမလိုဘူးလို့....။

ဟုတ်တယ်လေ...။ သူ့ ကင်မရာကလည်း ၂၀၀၀ ပေးရတယ်။ ဒီက လောလောလတ်လတ် သွားလုပ်ထားတာကလည်း ၂၀၀၀ကုန်ထားတဲ့ဟာ.....။

အိ... သွားနာလာပြန်ပြီ... သွားကိုက်ခြင်း အနုပညာ ဤမှာ တခန်းရပ်....။ ။

****************************

(မြန်မာကျူးပစ်မှာ ဖေါ်ပြပြီးကို အနည်းငယ် ဖြည့်စွက်ပြုပြင်ပါသည်။)

Monday, May 4, 2009

အုန်းနို့ခေါက်ဆွဲ


တနေ့က ညီမလေးနဲ့ ၂ယောက်သား အုန်းနို့ခေါက်ဆွဲ အတူချက်ကြပြီး သူက ကျူးပစ်မှာရေးတင်ထားတာကို ပြန်ဖော်ပြပါတယ်။

လိုအပ်သောပစ္စည်းများ
လိုအပ်တဲ့ အချိန်အတွယ် အတိအကျတော့ မရေးပေးတော့ပါဘူးနော်။ ကျွန်မချက်တာကလည်း လက်မှန်းနဲ့ ချက်တာများလို့ပါ။

ဟင်းရည်ချက်ရန်
ကုလားပဲ၊ ကြက်ဥ
နွားနို့၊ နို့စိမ်း၊ အုန်းနို့
ဆီ၊ ငါးငံပြာရည်၊ ပဲငံပြာရည်အကြည်၊ ဆား၊ သကြား၊ နနွင်း
ငရုတ်သီးအရောင်တင်မှုန့်၊ ကြက်သွန်ဖြူ၊ ကြက်သွန်နီ၊ ဂျင်း (ဆီသတ်ရန်)
ကြက်သွန်နီအသေးလေး (ဟင်းရည်အိုးထဲ ထည့်ရန်)
ကြက်ရိုး၊ ကြက်အသား၊ ကြက်အသဲအမြစ်

ရောနှောစားရန်
ခေါက်ဆွဲအစို အလုံး၊ အပြား
ကြက်ဥပြုတ်၊ ပဲကြော်၊ အီကြာကွေး၊ ငါးဖယ်ဆုတ်ကျော်၊ ကြက်သွန်နီပါးပါးလှီး၊ မုံ့ကြွတ်ကြော်၊ သံပုရာသီး၊ ငရုတ်သီး အလှော်မှုန့်။

ဟင်းရည်ချက်နည်း
၁) ကုလားပဲကို မချက်ခင်ညကတဲက ရေစိမ်ထားပြီး၊ ချက်မဲ့နေ့ နံနက်မှာ ဂျင်းလေးနည်းနည်းနဲ့ နူးနေအောင် ပြုတ်ထားပါတယ်။ ညကတဲက ရေစိမ်ထားတော့ ခဏလေးနဲ့ နူးပါတယ်။
၂) ကြက်ဥတွေ ဟင်းရည်ထဲထည့်ဖို့နဲ့ ရောစားဖို့ပြုတ်ထားပါတယ်။
၃) ကြက်သားကို အနေတော် ခုတ်ပိုင်းဆေးကြောပြီး ပဲငံပြည်ရည်အချိုရည်နည်းနည်း၊ သကြားနည်းနည်း၊ ဆားနည်းနည်းနဲ့ နယ်ပြီး နှပ်ထားတယ်။
ဈေးမှာ ကြက်ရိုးကို လည်ပင်းကနေ ကျောရိုးတောက်လျှောက် အရိုးကြီးပဲ ( ၃ခု - ၁ကျပ်၂၀) ၀ယ်လို့ ရလို့ အဲဒီ အရိုး၃ခုကိုလည်းခုတ်ပြီး ထည့်နယ်ထားတယ်။ အရိုးတွေများရင် အချိုရည် ပိုရပြီး၊ ဟင်းရည်ထဲက အရိုးကို ကိုက်ရတာ သဘောကျလို့ပါ။ အရိုးတွေရှုပ်နေမှာ မကြိုက်ရင် နောက်မှ ဆယ်ပြီး ထုတ်ပစ်လိုက်လို့ ရပါတယ်။
၎) ခဏနှပ်ထားတုန်း ကြက်သွန်နီ၊ ဖြူ၊ ဂျင်းစတာတွေကို ကြက်သားထဲ ထည့်ပြုတ်ဖို့နဲ့၊ ကြက်သွန်နီလုံးလေးတွေ ဟင်းရည်အိုးထဲ ထည့်ဖို့၊ ကြက်သားဆီသတ်ဖို့ အဆင်သင့်ဖြစ်အောင် လှီးချွတ်၊ ထောင်းထုထားလိုက်ပါတယ်။
၅) ၁၀မိနစ်လောက်ကြာရင် နှပ်ထားတဲ့ ကြက်သား အရိုးအသားတွေကို ဂျင်း၊ ကြက်သွန်ဖြူတွေထည့်ပြီး ရေနဲ့ ပြုတ်ပါတယ်။
၆) ၁၅မိနစ်လောက်ကြာတော့ ကြက်သားနူးပြီဆိုရင် အသားတွေကို အိုးထဲက ဆယ်ပြီး အအေးခံပါတယ်။ ကြက်ပြုတ်ရည်အိုးက ဟင်းရည်အိုးဆက်လုပ်မှာပါ။ ကြက်သားကို ကိုင်လို့ ရပြီဆိုရင် အသားနွှင်ပါတယ်။ ကျန်တဲ့ အရိုးတွေကို ဟင်းရည်အိုးထဲ ပြန်ထည့်ပါတယ်။ နွှင်ထားတဲ့ အသားလေးတွေကို ပဲငံပြာရည် အချိုရည် နည်းနည်းနဲ့ ထပ်နယ်လိုက်ပါသေးတယ်။
၇) ကုလားပဲနူးနေတာကို ဘလန်ဒါနဲ့ ညက်နေအောင် ကြိတ်ပြီး ကြက်ပြုတ်ရည်ဟင်းအိုး ထဲကို ထည့်ပါတယ်။
၈) ဒယ်အိုးမှာ ဆီတန်သလောက်ထည့်ပါတယ်။ ဟင်းရည်ကို ဆီတွေ အများကြီးနဲ့ မစားချင်လို့ပါ။ မွှေးအောင် နှမ်းဆီလေးပါရောထည့်ပါတယ်။ ဆီကျက်ပြီဆို ရောထောင်းထားတဲ့ ကြက်သွန်နီ၊ ဖြူ၊ ဂျင်းနဲ့ ငရုတ်သီးအရောင်တင်မှုန့်ကို နနွင်းမှုန့်လေး နည်းနည်းရောပြီး ဆီသတ်ပါတယ်။ မွှေးလာပြီဆို ကြက်သားနွှင်ထားတာတွေ ထည့်ပါတယ်။ မီးပြင်းပြင်းနဲ့ မွှေးလာအောင်မွှေပြီး ကြက်သားဆီသတ်ပါတယ်။ ချခါနီးရင် ငါးငံပြာရည်ထည့်ပြီး မွှေလိုက်ပါသေးတယ်။
၉) ကြက်ပြုတ်နဲ့ ပဲဟင်းရည်အိုး ပွက်ပွက်ဆူထဲကို အဲဒီ ကြက်သားဆီသတ်ထားတာကို အကုန်ထည့်လိုက်ပါတယ်။
၁၀) ကြက်သွန်နီဥသေးလေးတွေကိုလည်း ဟင်းအိုးထဲထည့်ပါတယ်။ ဟင်းရည်အိုးထဲ ရေထပ်ထည့်၊ မီးနည်းနည်းလျော့ပြီး ပွက်အောင်ထပ်တည်ပါ။ ဟင်းရည်ဆူလာရင် အုန်းနို့ရည်၊ နွားနို့၊ နို့စိမ်းစတာတွေကို လိုသလောက်ထည့်ပါတယ်။ အုန်းနို့အများကြီးမတည့်လို့ နို့စိမ်းနဲ့ နွားနို့ ကူထည့်တာပါ။
၁၁) ဟင်းအိုးမှ အုန်းနို့နံ့သင်းသင်းလေးမွှေးပြီး ဟင်းရည် ကောင်းကောင်းပွက်ကာ ကြက်သွန်နီဥလေးတွေလည်း နူးလောက်ချိန်တွင် ပြုတ်ထားသော ကြက်ဥများကို ပါးပါးလှီးပြီးဟင်းရည်အိုးထဲကို ထည့်ပါ။ ဟင်းရည်အိုးကို လိုသလောက် အပေါ့အငံမြည်းပြီး၊ မီးမျှင်းမျှင်းလေးနဲ့ မီးဖိုပေါ်တွင် တည်ထားလိုက်ပါ။
၁၂) ဆေးကြောသန့်စင်ထားပြီး ပဲငံပြာရည်အချို၊ ဆား၊ သကြားအနည်းငယ်နဲ့ နှပ်ထားတဲ့ အသဲအမြစ်တွေကို အိုးတအိုးမှာ ရေကိုပွက်ပွက်ဆူအောင်တည်ထားတဲ့အထဲ ၁၀မိနစ်လောက် ထည့်ပြုတ်ပါတယ်။

မုံ့ပွဲနှင့်ရောစားရန်
၁) ကြက်သွန်နီတွေကို ပါးပါးလှီးပြီးရေဆေးပါ။ ပူတာကြိုက်ရင် ရေဆေးပြီးမှ ပါးပါးလှီးထားပါ။
၂) သံပုရာသီးစိပ်လေးတွေ လှီးပြီး ပန်းကန်ထဲ ထည့်ထားပါ။
၃) ဆီပူပူမှာ ကြော်ထားတဲ့ မုံ့ကြွတ်ကို ပန်းကန်ထဲ ထည့်ထားပါ။
၎) ရန်ကုန်က ယူလာခဲ့တဲ့ အသင့်ကျော်ပြီးသား ပဲကြော်ကို ပန်းကန်ထဲ ထည့်ထားပါတယ်။
၅) အဆင်သင့် ကျော်ပြီးသား ငါးဖယ်ကြော်ကိုလည်း ပါးပါးလှီးပြီး ပန်းကန်ထဲ ထည့်ထားပါတယ်။
၆) အီကြာကွေးလေးတွေကိုလည်း ကတ်ကျေးနဲ့ ခပ်သေးသေး ညှပ်ပြီး ထားပါတယ်။
၇) ကြက်ဥပြုတ်ပြီးသား ပါးပါးလှီးထားပါတယ်။
၈ ) ပြုတ်ထားတဲ့ အသဲအမြစ်တွေကို ပန်းကန်လေးတခုနဲ့ ထည့်ထားပါတယ်။
၉ ) ခေါက်ဆွဲအစိုကို ဆီသန့်သွားအောင် ရေနွေးပူပူနဲ့ ဖျောလိုက်ပြီး စစ်ထားပါတယ်။

အားလုံး အဆင်သင့်ဖြစ်ချိန်တွင် သုံးဆောင်နိုင်ပါပြီ။

မုန့်ပွဲပြင်ရန်
ပန်းကန်ထဲကို စစ်ထားတဲ့ ခေါက်ဆွဲဖတ်ထည့်ပါ။ အပေါ်ကနေ ကြက်သွန်နီပါးပါးလှီး၊ ပဲကြော်၊ မုံ့ကြွတ်ကြော်၊ ငါးဖယ်ကျော်၊ ကြက်ဥပြုတ်နည်းနည်း၊ ပြုတ်ထားတဲ့ အသဲအမြစ်နည်းနည်း၊ အီကြာကွေးလေးထည့်၊ သံပုရာသီးလေးညှစ်ထည့်၊ ငရုတ်သီးအလှော်မှုန့်လေးနဲ့ အုန်းနို့ဟင်းရည်ထည့်ပြီး ချိုဆိမ့်ချဉ်စပ်အရသာ အုန်းနွားနို့နံ့မွှေးမွှေးလေး နဲ့ အုန်းနို့ခေါက်ဆွဲကို သုံးဆောင်နိုင်ပါပြီ။