Wednesday, November 19, 2008

စာစီစာကုံး

Image from http://www.fotosearch.com/

သူငယ်ချင်းတွေက စာစီစာကုံးအကြောင်းတွေ ပြောလာတော့ စာစီစာကုံးနဲ့ ပါတ်သက်ပြီး ကိုယ်ငယ်ငယ်က ဘာဆုမှ မရဘူးပါဘူး။ မရဘူးဆို ပြိုင်ပွဲလည်း ၀င်မှ မ၀င်ဖြစ်ပဲကိုး။ မှတ်မှတ်ရရ ၁၀တန်းမှာပဲ တခါလား မြို့နယ်အတွက် ၀င်ပြိုင်ဘူးတယ်။ အထိမ်းအမှတ် နေ့တခုခု အတွက်ပဲ။ ဘာနေ့ အတွက် ဆိုတာတောင်မမှတ်မိတော့ဘူး။ ကိုယ်တို့ မြန်မာစာ သင်တဲ့ ဆရာမက ကိုယ့်ကို အားကိုးလို့ ဆုရစေချင်တော့ ပေါ်လစီ စာအုပ်တွေ ဖတ်ခိုင်းပြီး ထည့်ရေးဖို့ ပြောတယ်...။ အဲသာမှ ဆုရမယ်လို့ ပြောသကိုး။ ဟုတ်ကဲ့... ဟုတ်ကဲ့ ပြောပြီး ... ဆရာမ ပေးတဲ့ စာအုပ်ကို စာအုပ်စင်ပေါ် တရိုတသေ သိမ်းထားလိုက်တယ်။ အိတ်မှာ ... ဆုလည်း မရပါဘူး။ တတိယဆုတောင် မချိတ်ဘူး။ ဆရာမခမျာ... သမီးရယ်... ညည်း ရေးရင် ဖြစ်ရဲ့သားနဲ့ အပျင်းကလည်းကြီးတယ်...။ ဘာလို့ အားကြိုးမာန်တက်မလုပ်ရလဲဆိုပြီး ဂရုဏာဒေါသောနဲ့ပေါ့...။

အင်း... ၁၀တန်းအောင်တော့လည်း မြန်မာစာဂုဏ်ထူး မပါခဲ့ပါဘူး။ ၇၂ လား ၇၃ လားနဲ့ ကပ်ကျန်တယ်။ မြန်မာစာအနေနဲ့ ဘာ ကျူရှင်မှ မတက်ခဲ့ဘူးဘူး။ သူများတွေ ဆရာဦးတင်မိုး၊ ဆရာဦးအောင်သင်း၊ ဂုဏ်ထူးဦးသိန်းနိုင်တို့ ဆီမှာ သင်တယ်လို့ အပြောနဲ့ ကြားပြီး သွားရည်ယိုခဲ့... တက်ချင်ခဲ့ဘူးတယ်။ ဒါပေမဲ့လည်း... အိမ်ကို ဒုက္ခမပေးချင်တာနဲ့... အင်္ဂလိပ်စာနဲ့ မြန်မာစာကို ဘယ်မှာမှ ကျူရှင်မယူခဲ့ဘူးဘူး။ ဖေဖေ၀ယ်ပေးတဲ့ ဒို့ကျောင်းသား၊ မိုးသောက်ပန်း၊ ရွှေသွေး၊ ဂါးဒီယန်း အားကိုးနဲ့ စာမေးပွဲမှာ လူတွင်ကျယ်ခဲ့သပေါ့။ ဒါတောင် အင်္ဂလိပ်လိုဆို ပျင်းပြီး ကျော်ကျော် ဖတ်တော့ အင်္ဂလိပ်စာက ၁၀တန်းမှာ နံကြားထောက် ဂုဏ်ထူးထွက်ခဲ့သော်လည်း ခုချိန်ထိ ခွေးအကြီး လှည်းနင်းသလို ဖြစ်ဖြစ်နေတုန်း။

ဘ၀မှာ ၀တ္ထုရှည်အနေနဲ့ ပထမဆုံးဖတ်ဘူးတာကတော့ ၅၅၀နိပါတ်တော်ပေါ့။ ငယ်တုန်းက ကိုယ်တို့က တကယ်ကို ရှေးရိုးဆန်တဲ့ အဖိုးအဖွားလက်ထဲမှာ ကြီးပြင်းလာတယ်ဆိုတော့ အဖိုးအဖွားက အပြင်စာတွေ ပေးမဖတ်ဘူး။ တရားဟောမဟုတ်ပဲ ဇာတ်လမ်းဆင်ရေးထားတာ မဖတ်ကောင်းဘူး... ငရဲကြီးတတ်သတဲ့။ ကိုယ်ကလည်း စာဖတ်ဝါသနာပါတော့ ရှိတဲ့ ဘုရားစာအုပ်တွေကပဲ နားမလည်တဲ့ ပါဌိတွေကိုကျော်ပြီး လှိမ့်ပိန့်ဖတ်ပေါ့။

၅တန်းအောင်ပြီး ၆တန်းတက်မဲ့ နွေရာသီ ကျောင်းပိတ်ရက် တနေ့ခင်းမှာ မှတ်မှတ်ရရ ဖေဖေက ဘာသာပြန်ဝတ္ထုစာအုပ်လေးပေးဖတ်တယ်။ အဲသာကတော့ ပေါ်လီယာနာ။ လိုချင်တာမရရင် ခြေဆောင့်၊ စိတ်ကောက်တတ်တဲ့ သမီးကို ဖေဖေက ၀မ်းသာတမ်း ကစားတဲ့နည်း တဖက်လှည့်နဲ့ သင် ပေးခဲ့တာလေ။ ဒါနဲ့ အပြင်ဝတ္ထုတွေ တဖြည်းဖြည်းဖတ်တတ်လာတယ်။ အဖေကြီးနဲ့ အမေကြီး (အဖိုး နဲ့ အဖွား) မသိအောင်တော့ ဖတ်ပေါ့။ သိသွားရင် တရားအရှည်ကြီး နာနေရတတ်လို့...။

တကယ်ဆို ... ဖေဖေမှာက အင်္ဂလိပ်စာအုပ်တွေ၊ မြန်မာစာ ရှေးဟောင်းစာအုပ်တွေ အများကြိးရှိတယ်။ ဖေဖေက စာဖတ်ဝါသနာပါ၊ စာအုပ်စုရတာဝါသနာပါတယ်။ သူ့စာအုပ်ဘီဒိုမှာ အင်္ဂလိပ်စာအုပ်တွေ၊ ရှေးဟောင်းသုတေသန စာအုပ်၊ ဗေဒင်၊ ဘာသာရေး၊ စွယ်စုံကျမ်း၊ မြန်မာဝတ္ထု၊ ဘာသာပြန် ၀တ္ထု၊ ကဗျာ၊ သတင်းစာ စသဖြင့် အမျိုးအစားစုံစုံလင်လင်ကို ရှိတာ...။ သာပေမဲ့ စာအုပ်ဘီဒိုကို ဖေဖေ က သော့ခတ်ထားတယ်။ အထူးသဖြင့် ကိုယ်က မွှချင်တိုင်းမွှတတ်တော့ ဖေဖေက... ခုတော့ ဒါတွေ မဖတ်နဲ့ဦး... သမီး၁၀တန်းအောင်ရင် အပိုင်ပေးမတဲ့။ ၀မ်းနည်းစရာ ကောင်းတာက အိတ်စာအုပ်တွေကို... ကိုယ်မပိုင်ခဲ့လိုက်ပါဘူး။ ငွေအလွန် အင်မတန် ကျပ်ခဲ့တဲ့ တနေ့ ( ကိုယ် ၆တန်းနှစ် နွေရာသီမှာပဲ ) မှာ တန်ဖိုးရှိတဲ့ ရှေးဟောင်းစာအုပ် တော်တော်များများကို ( အိတ်စာအုပ်ဘီဒို တခုလုံးနီးပါးပါပဲ) ရောင်းလိုက်ရတယ်။ မေမေကနေမကောင်းဘူး၊ ဆေးကုဖို့ ငွေလိုတယ်။ ရလာတဲ့ ပိုက်ဆံ အရင်းအနှီးနဲ့ အိမ်မှာ ကုန်စုံဆိုင်လေး ဖွင့်ဖြစ်ခဲ့တယ်။ စာအုပ်များမှ ပေးတဲ့ အရင်းအနှီး မတန်မရာပေါ့။ အိတ်တုန်းက မျက်ရည်တွေ ၀ဲနေတဲ့ ဖေဖေနဲ့ အပြိုင် ကိုယ်လည်း စာအုပ်တွေကို နှမျောလွန်းလို့ ငိုမိခဲ့ဘူးတယ်။ ခုထိတော့ ဟိုးတုန်းက (ဗိုလ်ချုပ်အောင်ဆန်းခေတ်က) သတင်းစာအဟောင်းတွေ ရှိသေးတယ်။ ( စကားချပ်။ အဆင်ပြေတဲ့ တနေ့ စကန်ဆွဲပြီး တင်ပေးပါ့မယ်။)

အယ်... စာစီစာကုံးအကြောင်းပြောရင်း တောင်ရောက် မြောက်ရောက် ဖြစ်ကုန်ပါပြီ။ ဆက်ရရင်... ကိုယ်က စာဖတ်လည်း ဒီလောက်နာတဲ့သူ မှုတ်ဘူး။ စာစီစာကုံးဆုလည်း တခါမှမရဘူးဘူး။ ကြံကြံဖန်ဖန် ကီသွင်းပြီး စဉ်းစား ကြွားရရင် တက္ကသိုလ်ပထမနှစ်မှာ လက်တန်းရေးခိုင်းတဲ့ စာစီစာကုံး ကို ဆရာမက သဘောကျလို့ အတန်းသားတွေရှေ့မှာ ဖတ်ပြခဲ့ဘူးတာလေးရယ်၊ ၈တန်းတုန်းက ကိုယ်ရေးတဲ့ ခရီးသွားတဲ့ အကြောင်း အင်္ဂလိပ်အက်ဆေးတပုဒ်ကိုလည်း (အဲသာကတော့ ဟိုက ဒီက ကူးချထားတာ... ဟိ) ဆရာမက excellent ဆိုပြီး အတန်းကို ဖတ်ပြပေးခဲ့ဘူးတာရယ်ပဲ မှတ်မှတ်ရရရှိပေါ့...။

မြန်မာကျူးပစ်တွင်ဖေါ်ပြပြီး။

Monday, November 17, 2008

သာသနာ သက္ကရာဇ်

သာသနာ သက္ကရာဇ် ကိုဘယ်လို ကြည့်မလဲဆိုရင်...

လက်ရှိခရစ်သက္ကရာဇ်ကို ၅၄၄ နဲ့ပေါင်းပြီး အလွယ်တွက်ကြည့်လို့ ရပါတယ်နော်။
သာသနာ သက္ကရာဇ် = ၅၄၄ + ခရစ်သက္ကရာဇ်
................................= ၅၄၄ + ၂၀၀၈ = ၂၅၅၂

ဆိုတော့ အခု ခရစ်သက္ကရာဇ်၂၀၀၈ခုနှစ်မှာ သာသနာ သက္ကရာဇ် ၂၅၅၂ ရှိပါပြီ။

ပိုပြီးအသေးစိတ် သိချင်ရင်တော့ ဒီလင့်လေးကနေ ကြည့်ကြည့်လိုက်ပါကွယ်။

မြန်မာကျူးပစ်တွင်ဖေါ်ပြပြီး။

Tuesday, November 11, 2008

ကွန်ဒိုထက်တော့ တန်ပါတယ်

Image from http://www.fotosearch.com/
တနေ့က မတွေ့တာကြာပြီဖြစ်တဲ့ ကျောင်းတုန်းက သူငယ်ချင်းတွေ၊ အဆောင်မှာ အတူတူနေခဲ့တဲ့ အစ်မတွေနဲ့တွေ့ဖြစ်ခဲ့တယ်။ မတွေ့တာ ကြာပြီဆိုတော့ အားရ၀မ်းသာ နှုတ်ဆက်ကြ၊ စကားပြောကြ၊ သူ့အကြောင်း ကိုယ့်အကြောင်းမေးကြ၊ မြန်းကြနဲ့ စကားတွေပြောလို့ကို မကုန်နိုင်ဘူး။ တော်တော်များများ ကိုယ့်ကို သြဘာပေးကြတာကတော့... နင့်နှယ်ဟယ်...ခုထိလည်း ကလေးမယူသေးပါလား၊ အလုပ်တွေပဲ ကျုံးလုပ်မနေနဲ့၊ ပိုက်ဆံ တွေ ထားစရာ နေရာမရှိပဲ နေဦးမယ်တဲ့။

ဒါနဲ့... စကားတွေ ပေါက်ပေါက်ဖောက်သလိုပြောရင်း စပ်မိစပ်ရာ စီးပွားရေးအကြောင်းတွေ ရောက်သွားတော့... ဘယ်သူကတော့ အလုပ်ထွက်ပြီး ဘာစီးပွားရေးလုပ်နေတယ်... ဘယ်လို အမြတ်တွေရတယ်... ဘယ်သူကတော့ အပိုဝင်ငွေ ဘယ်လို ရှာတတ်တယ်... စသဖြင့် သွားရည်ကျစရာပေါ့။ တချို့ကျတော့လည်း... သူတို့ကတော့ ဘာစီးပွားရေးမှလည်း မလုပ်တတ်တာမို့... ရှိတဲ့ ပိုက်ဆံလေးနဲ့... ရန်ကုန်မှာ အိမ်တွေ... ခြံတွေ ၀ယ်ထားသတဲ့။ အသက်ကြီးတဲ့ အချိန် ပြန်သွားရင် အဆင်သင့်နေနိုင်အောင်တဲ့။ နောကတစ်ယောက်ကတော့ ရန်ကုန်မှာပဲ ကွန်ဒိုတွေ ၀ယ်ထားပြီး ဋ္ဌားစားတယ်တဲ့။ နောက်တစ်ယောက်ကတော့ မေမြို့မှာ ခြံအကျယ်ကြီးတခု လောလောဆယ်ဝယ်ထားပလိုက်တယ်တဲ့။ နောက်တစ်ယောက်ကတော့... မြန်မာပြည်ပြန်ပြီး ၀ယ်ထားလို့လည်း ဘယ်သူမှ ကြည့်ပေးနိုင်တာ မဟုတ်လို့... စင်ကာပူမှာ ကွန်ဒို တစ်လုံးဝယ်ထားပြီး ဌားစားထားသတဲ့။ ကိုယ်တို့ အရွယ်တွေက ဒီအရွယ်မှာ သူဌေးဖြစ်ရင်ဖြစ်၊ မဟုတ်ရင် ဘယ်တော့ မှ သူဌေးမဖြစ်တော့ဘူးဆိုတဲ့ အရွယ်တွေကိုး။

အိတ်လို သူတို့ တစ်ယောက်တလှည့်ပြောပြီးသကာလ... ဟဲ့... နင်ရော... ဘာတွေလုပ်နေလဲ... စီးပွားရေးကောလုပ်သလား...။ ဒီမှာ ကွန်ဒိုဝယ်ပြီးပြီလား...။ မြန်မာပြည်ပြန်ပြီးရော ၀ယ်ထားသလား... မေးလိုက်တာမှ အစုံ။ ကိုယ့်မှာ ယောက်ယောက်မျက်နှာကို အသာလှမ်းကြည့်ပြီး (သူကတော့ ဘာမှ မကြားသလို အိတ်အိမ်က သတင်းစာ ကို သဲကြီးမဲကြီးဖတ်လို့...) ဘယ်မှာမှ မ၀ယ်နိုင်ပါဘူး၊ မ၀ယ်ထားပါဘူး... အစ်မတို့ရာ... စီးပွားရေးလည်း ဘာမှ မလုပ်တတ်ပါဘူး... အစ်မတို့လောက်မချမ်းသာပါဘူးလို့ ပြောလိုက်မိတာပေါ့။ ဟုတ်တယ်လေ... သူတို့လို့ ပြောစရာ... ကိုယ့်မယ်... ဘယ်မှာမှ မရှိတဲ့ဥစ္စာ။ အိတ်တော့လည်း ... အားလုံးက ၀ိုင်းအော်ကြရော။ အောင်မလေး... လစာကောင်း ၀င်ငွေကောင်းတဲ့ သူတွေကများ... လင်မယား၂ယောက်ရှာနေတဲ့ သူတွေကများ... သုံးမဲ့သူလည်းမရှိပဲနဲ့... ငါတို့လို တစ်ယောက်ထဲ ရှာစားနေတဲ့သူတွေ ပြောဖို့လည်း ချန်ထားပါဦးဟယ်လို့ ကွန်ဒိုဝယ်ထားတယ်ဆိုတဲ့ အပျိုကြီးမမ၂ယောက်က ၀ိုင်းအော်ကြတယ်။

သူတို့ပြောတာတွေးကြည့်တော့ ကိုယ်တို့၂ယောက်လုံး ဘွဲ့ရကတဲက အင်ဂျင်နီယာအလုပ်ပဲ တသက်လုံးလုပ်လာတယ်။ ဘာစီးပွားရေးမှ လုပ်ဖို့ မစဉ်းစားတတ်ခဲ့ဘူး။ အပိုဝင်ငွေ ရှာရအောင်လည်း မကြံစည်တတ်ခဲ့ကြဘူး။ အပိုဝင်ငွေဆိုလို့... တစ်ခေါက် မြန်မာပြည် ပြန်တော့ ကိုယ်တို့ အိမ်နဲ့ ၁လမ်းကျော်မှာ တိုက်အသစ်ကြီး ဟီး... လို့ ဆောက်ထားတာ။ အိတ်အိမ်က အစတုန်းက ပျဉ်ထောင်သွပ်မိုးနဲ့ ခပ်ယိုင်ယိုင်အိမ်ရယ်။ တယ်ဟုတ်ပါလား.... ဘယ်လိုများ ချမ်းသာသွားပါလိမ့်လို့လည်းမေးကြည့်တော့ ကိုယ်တို့ မျက်စောင်းထိုးအိမ်က အန်တီမော်က ပြောတယ်။ အိတ်ကောင်လေးက စင်ကာပူမှာ ညည်းလိုပဲ အလုပ်လုပ်နေတာလေ။ ပိုက်ဆံတွေထောလိုက်တာများမနည်းဘူး။ ဒီကောင်လေးအေ... တော်ချက်က စလုံးရောက်တာ ၂နှစ်ပဲ ရှိသေးတယ်အေ့တဲ့။ ညည်းတို့လို အင်ဂျင်နီယာမဟုတ်...။ ညည်းတို့လို နိုင်ငံခြားဘွဲ့တွေမရ...။ ညည်းတို့လို မန်နေဂျာဖြစ်စရာမလို...။ ပြောရရင်အေ... ညည်းတို့လို ပညာတတ်စရာမလိုပေါင်...။ ညည်းတို့ထက် တော်တယ်...။ ၀င်ငွေကောင်းသတဲ့။ နောက်မှ သေချာစုံစမ်းကြည့်တော့ ဒီကောင်လေးက ပထမတော့ construction site မှာ ဖိုမင်နဲ့ အလုပ်စ၀င်ပြီး နောက်ပိုင်းမှာ စလုံးပွဲစားနဲ့ပေါင်း... မြန်မာပြည်က အလုပ်သမားခေါ်ပေးတဲ့ လူပွဲစားလုပ်နေတာကိုး။ မရှိမဲ့ရှိမဲ့ အလုပ်သမားလေးတွေဆီက မတန်တဆ ပွဲစားခတွေယူ၊ မစားရ၀ခမန်းတွေပြောပြီး တခါတရံလိမ်တယ်လို့လည်း ကြားမိတယ်။ အော်... ချမ်းသာဖို့ ... ပညာတတ်စရာမလိုဘူး၊ လုပ်တတ်ဖို့ပဲ လိုတယ်ဆိုတာ ဒါမျိုးပြောတာလားမသိ။

ယောက်ယောက်ကတော့ အပိုဝင်ငွေ အိတ်လို ပွဲစားခ ရဖို့ ဝေးသေးပေါ့။ တခါသား မြန်မာပြည်က ကောင်လေးတွေကို သူ့ဆိုဒ်အတွက်ဆိုပြီး ခေါ်ပေးဘူးတယ်။ တခါမှ မမြင်ဘူးတဲ့သူတွေ အတွက် ကြားထဲကနေ ပွဲစားခ (wp တင်ဖို့အတွက် ရုံးက တရားဝင်ဋ္ဌားထားတဲ့ ပွဲစားကိုပေးရတဲ့ငွေ၈၅၀ကို သူ့အိတ်ထဲက စိုက်ပြီး ပေးတဲ့ သူကလား...)။ တခါတခါ ဆိုဒ်မှာ award ဆိုပြီး ၃၀၀၊ ၄၀၀လောက် အပိုရတတ်တယ်။ မိန်းမရေ... ဆိုဒ်က ဆုကြေးဆိုပြီး ငွေ ၃၀၀ ဒီနေ့ ပေးတာ... အလုပ်သမားတွေ သနားလို့ ခွဲပေးလိုက်ပြီဆိုတဲ့ လူမျိုး။ တခါက ယိုးဒယားအလုပ်သမားက နှစ်ကူးယိုးဒယားပြန်တာ ရုံးကို advance တောင်းတာ မပေးလို့ သနားတာနဲ့ သူ့အိတ်ထဲစိုက်ပေးလိုက်တယ်တဲ့။ ဟိုက ပိုက်ဆံပြန်ပေးလား... မပေးလားတော့ မသိဘူး။ အိတ်ယိုးဒယားပြန်လာပြီး ပေးတဲ့ လက်ဆောင် ရှပ်အင်္ကျီ (brand အတု) ကိုဝတ်လို့... သနားပါတယ်ကွာ... သူ့ခမျာ ရှပ်အင်္ကျိလေး ၀ယ်လာရှာတယ်ဆိုပြီး သဘောကျနေတတ်တဲ့လူမျိုး ဆိုတော့ သူ့ကို အပိုဝင်ငွေ ရှာခိုင်းဖို့ဆိုတာ အိမ်မက်ထဲတောင် ထည့်မမက်နဲ့ပဲ။ အင်း... သူ့ကိုသာပြော... ကိုယ့်ကျတော့လည်း... ကျောင်းတက်တဲ့ သူငယ်ချင်းတွေ ပိုက်ဆံလိုလို့ဆိုပြီး ချီးထားတာ သူတို့ လာပြန်ပေးမှ အော်... ဟုတ်သားပဲ ဆိုပြီး ပြန်သတိရတတ်တဲ့ လူစား။

ဒါနဲ့ အိတ်ကပြန်လာပြီး အိမ်ရောက်တော့... ယောက်ယောက်ကို ပြောတာပေါ့။ ကိုယ်တို့တွေ ဒီမှာနေတာလဲ ဆယ်စုနှစ်ကျော်နေပြီ။ ခုနေများ... စင်ကာပူမှာ အလုပ်မရှိတော့လို့ မြန်မာပြည် ပြန်မယ်ဆိုရင်တောင် နေစရာအိမ်လေးတစ်လုံးမရှိ...။ ပြန်သွားရင် အရင်ကလို ဘတ်စ်ကားကလည်း တိုးမစီးချင်... ရှိတဲ့ ပိုက်ဆံကလည်း အိမ်တစ်လုံးဝယ်ဖို့တောင်မလောက်...။ ဒီတော့ ကိုယ်တို့တွေ ကားဝယ်ပြီး ကားပေါ်မှာပဲ အိမ်လုပ်နေကြတာပေါ့ဟယ်လို့ ရီစရာပြောဖြစ်ကြတယ်။

္ဘယောက်ယောက်ကတော့ အားပေးရှာတယ်။ ပိုက်ဆံတွေ ကောင်းကောင်းမစုမိဘူး၊ သူများတွေလို ကွန်ဒို မ၀ယ်နိုင်ဘူး။ ဒါပေမဲ့ ဒီ၁၀စုနှစ်အတွင်း ကိုယ့်ပတ်ဝန်းကျင်ကို ကိုယ်ဘာတွေလုပ်ပေးနိုင်ခဲ့တယ်ဆိုတာ ပြန်စဉ်းစားစမ်းတဲ့။ ခေါင်းလောင်းမထိုးတဲ့ အလှူတွေ အများကြီး လုပ်ဖြစ်ခဲ့တယ် မှုတ်လားတဲ့။ ဒီတော့ ကိုယ်လည်း ပြန်စဉ်းစားကြည့်လိုက်တာ...

နှစ်ဘက်မိဖတွေကို လိုလို မလိုလို လစဉ် ကန်တော့ငွေ မှန်မှန် ပို့ပေးတယ်။ မြန်မာပြည်က ဆေးရုံတွေမှာ ဆေးဝါးတွေ အခန့်သင့်တိုင်းလှူတယ်။ မင်္ဂလာနှစ်ပတ်လည်တိုင်းမှာ ထူးထူးခြားခြားအလှူတွေ လုပ်ဖြစ်ခဲ့တယ်။ မနှစ်ကဆို ကိုယ်တို့ရဲ့ မင်္ဂလာနှစ်ပတ်လည်မှာ မြန်မာပြည်က မွတ်ဆလင် အခမဲ့ ဆေးရုံအတွက် ၁၀သိန်းလှူခဲ့တယ်။ နာဂစ်ဖြစ်တော့ ဆန်၁၀သိန်းဖိုး သတ်သတ်လှူလိုက်သေးတယ်။ ဒီနှစ် မင်္ဂလာ နှစ်ပတ်လည်အတွက်တော့ ဘဘဦးဝင်းတင်ကို သီတင်းကျွတ်အမှီ အမှတ်တရ ကန်တော့နိုင်ခဲ့တယ်။ လွန်ခဲ့တဲ့ ၇နှစ်လောက်ကတည်းက မိဖတွေက စွန့်ပစ်သွားတဲ့ တောက ကလေး ၄ယောက်ကို တာဝန်ယူ စောင့်ရှောက်ပေးထားတယ်။ ကလေး၁ယောက်က ခုဆို ၉တန်းတောင်ရောက်နေပြီ။ သူကစာကြိုးစားလို့ ကိုယ့်မှာ ၀မ်းသာပီတိဖြစ်ရတယ်။ ဆွေမျိုးထဲက စာတော်ပြီး ငွေကြေးမတတ်နိုင်တဲ့သူတွေကို ပညာသင်ထောက်ပံ့ကြေးပေးတယ်။ ကလေးတစ်ယောက်က ဆရာဝန်လိုင်း မှီအောင်ကြိုးစားမယ်လို့ ပြောတယ်။ ကိုယ်တို့က ဆရာဝန်ဖြစ်တဲ့ထိ တာဝန်ယူမယ်... ကြိုးစားလို့ ပြောဖြစ်ခဲ့တယ်။ အိမ်အနီးအနားက ဆင်းရဲတဲ့ သက်ကြီးရွယ်အို အဖိုး အဖွား၃၀လာက်ကို အဖိုးရဲ့ အသက်၁၀၀ပြည့်မွေးနေ့တုန်းက ထူးခြားတဲ့ အလှူလေးတခု လုပ်ပေးခဲ့ဘူးတယ်။ အိမ်အနီးအနားက ငွေကြေးမတတ်နိုင်တဲ့သူတွေကို ရဟန်းခံ ရှင်ပြု ပွဲလေး လုပ်ပေးခဲ့ဘူးတယ်။ သီရိလင်္ကာက စာသင်သံဃာတစ်ပါးကို မာစတာ ဘွဲ့ရသည်အထိ ပညာရေးထောက်ပံ့ခဲ့တာ မနှစ်ကပဲ သူ မာစတာ ရသွားပြီ။ ဗုဒ္ဓဘာသာ သာသနာ စင်ကာပူမှာ ပြန့်ပွားရေးအတွက် SMC မှာ လစဉ်ငွေကြေးရော၊ လူအားပါ တတ်နိုင်သလောက် ကူညီပေးတယ်။ ခုလောလောဆယ်... မြန်မာများအတွက် မြန်မာအဖွဲ့မှာ လစဉ် အလှူငွေ ၅၀ ပါဝင်တယ်.........................ပြီးတော့......... ...............ပြီးတော့.......

ယောက်ယောက်ရေ... ယောက်ယောက်ရေ..................... ကွန်ဒိုထက်တန်သတော့....။ ခုနေသေသွား... ကွန်ဒိုနဲ့ မနေဘူးလိုက်တာပဲ ရှိမယ်...။ နောက်ဘ၀အတွက် ၀မ်းစာလေး နည်းနည်းပါးပါး ရှိသတော့ လို့....။ ကိုယ့်စဉ်းစားခန်းနဲ့ကိုယ် ရုတ်တရက်ထအော်လိုက်တော့ ယောက်ယောက်ခမျာ လန့်သွားရှာတယ်...။

မြန်မာကျူးပစ်တွင်ဖေါ်ပြပြီး။

Saturday, November 1, 2008

မျက်ရည်များနဲ့ အလွမ်းစာ

Image from http://www.fotosearch.com/
ကိုဝက်ရဲ့....

သူ့ကို ငါတို့စသိတာ တတိယနှစ်မှာလေ။ ငါတို့ စာစုလုပ်နေတဲ့ library ရှေ့က ၀ရံတာ လက်ရန်းမှာ ထိုင်ရင်း ငါတို့အုပ်စုကို သူက ရှုနေကြပေါ့။ ငါနဲ့ မင်းမင်းက တတိယနှစ်မှာ ခုံနံပါတ် မနီးမဝေး။ lab လုပ်ရင် တစ်အုပ်စုထဲ အတူကျတော့ lab report တွေရေးရင် ငါတို့က library ထဲမှာ ထိုင်ရေးလေ့ရှိတယ်။ အဲဒီအချိန်တိုင်း သူ့ကို library ရှေ့မှာ အမြဲ တွေ့ရတတ်တယ်။ ငါလို ငအူက သူ... ဘယ်သူ့ကို လာရှိတ်နေမှန်းသိဘူးရယ်။ နောက်... ငါတို့နဲ့ခင်တဲ့ မိုး... ကိုလိုက်နေတဲ့... နင်တို့ သူငယ်ချင်း နက်မောက်သား နောက်တစ်ယောက် ကပြောတော့မှ သူက မင်းမင်းကို လိုက်ကြည့်နေတယ် ဆိုတာသိရတော့တယ်။ ဒါပေမဲ့ ငါတို့က သူ့ကိုတော့ ခင်ကြပါတယ်။ မင်းမင်းကိုလိုက်ကြည့်နေတာ မြင်ပြီး ကြားထဲကနေ သနားမိတယ်။ ဘာလို့လည်းဆိုတော့ သူက တခြားယောက်ျားလေးတွေနဲ့ မတူဘူးရယ်။ သူ့ရဲ့ အကြည့်ဟာ ရိုးစင်းတဲ့ အပြုံးတစုံနဲ့ အေးမြတဲ့ မေတ္တာတွေနဲ့ လွှမ်းခြုံထားတတ်လို့ပဲ။ အမြဲတန်း ပြုံးနေတတ်တဲ့ သူနဲ့ ငါတို့ အုပ်စုက သိပ်မကြာတဲ့ အချိန်အတွင်းမှာပဲ သူငယ်ချင်းအရင်းတွေလို ခင်မင်ခဲ့ကြတယ်။ နောက် မင်းမင်းနဲ့ သူ ၄တန်းမှာ (ငါအမှတ်မမှားရင်) ကြိုက်သွားကြတော့ ငါတို့အားလုံး လိုက်ဖက်ညီတဲ့ သူတို့ ၂ယောက်အတွက် ပျော်ရွှင်ခဲ့ကြတယ်။

က၀က်ရေ... နင်သိတဲ့ အတိုင်း... ငါတို့ အုပ်စုဆိုတာ အတန်းထဲမှာ ဘရုတ်ကျလွန်းလို့ သရဲ၎ကောင် ဆိုပြီး နံမည်ရတဲ့ အုပ်စုဆိုတာ။ သူလည်း ငါတို့အုပ်စု ဘရုတ်ကျတဲ့ဒါဏ်ကို ဘယ်လွတ်လိမ့်မလဲ... သေချာခံခဲ့ရတာပေါ့။ နင်မှတ်မိသေးလား။ ငါတို့ တွေ ဖိုင်နယ်မှာ ဆရာကြီး ဦးဆန်းတင့် အင်တာဗျူးကို ၀င်ခဲ့ကြရတာလေ။ သူ့အလှည့်က နေ့လည်ထမင်းစားပြီး ၀င်ရမှာ။ ငါတို့တွေ ထမင်းစားပြီးချိန် အဲဒီ ရုံးခန်းနားရောက်နေတုန်း သူက ကမန်းကတန်းပြေးလာပြီး... သူ့အလှည့်ရောက်ပြီလား၊ သူ့ခုံနံပါတ်ခေါ် သံ ကြားလားလို့မေးတယ်။ ဘယ်ရမလဲ... ငါတို့ကလည်း အရေးကြီးတဲ့ ပုံစံတွေနဲ့ မျက်လုံးပြူး၊ မျက်ဆန်ပြူးလုပ်ပြပြီး... အေးအေး... နင့် ခုံနံပါတ်ခေါ်နေတာ ကြာလှပြီ...နင်နဲ့ အတူတူဝင်ရမဲ့ အုပ်စုအားလုံး ၀င်သွားကြပြီ... မြန်မြန်ဝင်လို့ ဂျောက်တွန်းကြတာပေါ့။ အဲဒီတော့ သူက ပါးစပ်ထဲက ၀ါးနေတဲ့ ကွမ်းတွေ ကမန်းကတန်းနဲ့ ထွေးထုတ်။ အနီးက သောက်ရေအိုးမှာ ကပြာကရာ ပလုတ်ကျင်းလို့... ငါတို့ နောက်တာပါလို့... ပြန်တောင်ပြင်မပြောနိုင်ခင်... ၀ူးဆို ဆရာကြီး အခန်းထဲကို ပြေးဝင်သွားတယ်။

ငါတို့လည်း သူပြေးဝင်သွားတာလည်းမြင်ရော... အဲဒီနေရာကနေ တချိုးထဲ လစ်... လှေခါးထောင့်ချိုးရောက်မှ သူဘယ်လိုပုံနဲ့ ပြန်ထွက်လာမလဲလို့ ချောင်းကြည့်ကြတာပေါ့။ တော်ကြာတော့ သူက ခေါင်းကို လက်နဲ့ ကုတ်ပြီး ပြုံးစိစိနဲ့ ထွက်လာတာကိုမြင်ရတယ်။ သူများတကာတွေလို သူက ဘယ်မလဲ ..ဒီသရဲ၎ကောင်လို့ စိတ်ဆိုးပြီး ငါတို့ကို ရှာမနေပါဘူး။ သူ့ပုံစံ အေးအေးဆေးဆေးကိုတွေ့တော့မှ ငါတို့လည်း ပုန်းနေရာကနေ ရယ်ကျဲကျဲတွေနဲ့ ထွက်လာကြတော့တာပေါ့။ ငါတို့ကို သူက တခုပဲ... ပုခုန်းတွန့်ပြီးပြောတယ်... နင်တို့တော်တော်ဆိုး... ငါ့မှာ အားနာလိုက်တာ အရမ်းပဲတဲ့။ ဘာဖြစ်လို့လဲ ဆိုတော့ ဆရာကြီးက အခန်းမှာ ဧည့်သည်နဲ့ စကားပြောနေရာက ရုတ်တရက် ကမူးရှုးထိုးဝင်လာတဲ့ သူ့ကိုကြည့်ပြီး အထိတ်တလန့်နဲ့ ဘာဖြစ်တာလဲ မေးလို့တဲ့လေ။ က၀က်ရဲ့... သူနဲ့ ပါတ်သက်လို့ ... အဲဒီနေ့က သူ့ပုံစံက ရီစရာကောင်းလွန်းလို့... အဲဒါကို ယနေ့ထိ ငါမှတ်မိနေတယ်။

ကျောင်းပြီးလို့ သူငယ်ချင်းတွေ တကွဲတပြားဖြစ်ကုန်ကြတော့ ငါတို့တွေဟာ တစ်ယောက်နဲ့ တစ်ယောက် ပြန်မဆုံနိုင်ကြပေမဲ့ တစ်ယောက်ရဲ့ သတင်းစကား တစ်ယောက်နားထောင်ရင်း... အလွမ်းဖြေလို့ နေကြရတယ်။ ဟဲ့... သူကတော့ ကလေး ဘယ်နှယ်ယောက်ရနေပြီ။ သူကတော့လေ... အရမ်းကို ချမ်းသာနေပြီပေါ့။ သူကတော့ ရာထူးတွေ ကြီးလို့ပေါ့ဟယ်။ သူကတော့ ဒေါက်တာကြီးဖြစ်နေပြီတဲ့။ သူကတော့ ....သူကတော့... သူကတော့... စသဖြင့် သတင်းကောင်းလေးတွေ စောင့်မျှော် ပီတိပွားရပါတယ်။

ဒါပေမဲ့... ငါလေ... ဒီလို ၀မ်းနည်းစရာကောင်းတဲ့ သတင်းမျိုးကိုတော့ ဘယ်တော့မှ မကြားပါရစေနဲ့လို့.... ဆုတောင်းနေမိလေရဲ့။ ဘ၀ဆိုတာ တိုတိုလေး... တချိန်မှာ ငါတို့ အားလုံးဒီလမ်းကို သွားကြရမယ်ဆိုတာ သိနေသော်လည်းပဲ... အချိန်မတန်ခင် ခွဲခွာသွားကြမဲ့ အဖြစ်မျိုးကိုတော့ မလိုလားဘူးဟယ်။

ငါတို့သူငယ်ချင်း ကောင်းရာသုဂတိလားပါစေလို့ ဆုတောင်းလျက်...။ ။

အလွမ်းများစွာဖြင့်....
သရဲ၁ကောင်
၁-၁၁-၂၀၀၈
ည၁နာရီ၄၀မိနစ်